Nöldur & ljótar hugsanir..!

2007-02-12T10:52:00.000Z

2007-02-04T23:20:00.000Z

Má ég kynna nýjasta meðlim kastalans.

Búið var að gefa honum nafnið Mozart þegar við fengum hann, en það á eftir að koma í ljós hvort að það festist við hann, allar tillögur eru þegnar í kommentakerfið.

2007-02-03T12:43:00.000Z

Ætli það sé þörf á nýjum áfanga í iðnskólum landsins? Áfangi sem heitir dagatalið og klukkan og hvernig svoleiðis brúkast?
Tja ég spyr.... það áttu að koma málarar og mála vinnustaðinn um miðjan desember. Þeir sáust í gær og það er víst bara ekkert athugavert við þetta. Og fyrirvarinn var svo ekkert agalegar þegar til kom. Ég fékk að vita kl. tvö að þeir ættu að koma klukkan fjögur. Að pakka saman heilli skrifstofu er bara ekkert grín.
Einu sinni bað ég um rafvirkja og hann átti að koma innan klukkustundar, þetta var eiginlega neyðartilfelli þannig séð, hann kom eftir 2 daga.
Vinkona mín þurfti að fá pípara vegna þess að klósettið hjá henni stíflaðist. Hún þurfti að banka upp hjá nágrönnunum í þrjá daga því að aldrei sást helvítis maðurinn. Önnur sem ég þekki þurfti að láta flísaleggja hjá sér baðið, maðurinn kom í svona korter og hvarf svo í kannski fjóra daga, og svona hélt þetta áfram lengi lengi. Ég væri búin að kaupa mér hengilás á klósettið og læsa kallinn inni bara.

Hnuss..!

2007-01-26T00:32:00.001Z

Hér kemur bara væl, tuð og nöldur. Ef þið nennið ekki að lesa þetta þá vinsamlegast nagið þröskuldinn.

Það er hætt að framleiða pilluna mína. Já pilluna MÍNA. Sem er búin að vera mín stoð og stytta í mörg ár og veita mér betra líf. Jú ég er á einhverju helvíti núna sem á að vera eins, en miðað við ástandið líkamlega og andlega er það bara eitthvað í nösunum á einhverjum nýútskrifuðum lyfjafræðingi. Glætan sko.

Svo fer allt í pirrunar á mér og aðstæður bjóða sko upp á það.
T.d. veðrið. ok. ég veit... ég bý á Íslandi, en kommon!
Helvítis umferðin er að gera mig geheheheðveika.
Það er búið loka útvarpstöðinni minni og það er bara ekkert fyrir mig að hlusta á þegar ég sit föstu í helvítis umferðinni.
Já og af hverju er aldrei neitt í sjónvarpinu á þriðjudögum?!?

Því er nú helvítis verr og miður að þegar ég er svona í skapinu að ég læt allt flakka á lilla bró. Sem betur fer er hann að vinna vaktavinnu þannig að hann verður lítið var við þetta. En þar sem uppsöfnuð gremja safnast fyrir eins og aska í öskubakka þá getur þetta orðið frekar nastý, já og það þarf stundum að losa úr honum. Þá er það sem hendi er næst sem fá að finna fyrir því, nefnilega vinnufélagarnir. Ég er samt eiginlega búin að steinhalda kjafti núna þessa vikuna og er bara tvisvar búin að urra á einhvern. Mér fannst samt að þeir ættu það alveg skilið.

Snapp nr. 1

Mánudagsmorguninn var undirlagður tuði og meira tuði í einum sem þoldi ekki að maður sem er ríkari heldur en allir í fyrirtækinu tíu sinnum og ættingjar þeirra til samans á mikinn pening og tuðaði mikið yfir afmælisveislunni hjá manninum. Einnig fór mikill tími og orka í það að nöldra yfir jakkafataklæddum mönnum á tónleikum erlendis, flottræfilsháttur þetta.. gætu sko verið í gallabuxum eins og við hin.
Svona til að setja þessa afmælisveislu í samhengi, þá er það bara eins og ég hefði pantað pizzu á afmælisdaginn minn.
Já og þessi maður verslar ekki í Bónus. Hann heldur nefnilega með Davíð vini sínum og verslar ekki hjá svona óþjóðalýð.
-kræst sko! öllu er hægt að nöldra yfir!
Pólítískt viðrini.

Snapp nr. 2

Það var einn sem kvartaði alveg ógurlega yfir því að ljósritunarvélin væri bara ónýtt skran og ég ætti að fara ekki seinna en strax að kaupa nýja. Snillingurinn setti samanheftuð blöð í matarann.
Þegar hann stoppaði ekki eftir að ég var búin að redda málunum, gargaði ég á hann
-Kræst! Þú hegðar þér eins og versta kelling! (þarna sá ég minn mann reka upp stór augu og neðri vörin tók smá titring)ég reyndi svosem að bjarga mér fyrir horn með því að segja að ég væri eina kellingin þarna og því með einkarétt á tuði. Held að þessi bjóði ekki góðan daginn næstu mánuði.

En eins og mér sé ekki nákvæmlega slétt sama núna.

Og hvað er málið með þennan ótalandi í sjónvarpsmarkaðinum á Skjá 1 eða vörutorginu eða hvað sem þetta heitir. Hver í helvítinu Talar. Svona. Punktur. Á. Eftir. Nánast. Hverju. Einasta. Orði.
Já og þegar maður tekur að sér svona vinnu þá á maður nú að vita hvað maður er að selja. Hvað er til dæmis serlólít? Það er í auglýsingunni fyrir tækið sem á að hrista spikið af heimsku fólki sem heldur að þannig virki.

Já og segið mér... hvernig í helvítinu stendur á þvi að fyrirtæki hér í bæ sem er með alveg yndislega gjaldkera og yndislega þjónustufulltrúa skuli vera með starfsfólk með hland í hausnum í fyrirtækjaþjónustunni.

2007-01-22T22:03:00.000Z

Ef einhver kann að víkka út borderana
<------------------------------------------------->
Þá er hjálp vel þegin.

2007-01-22T21:53:00.001Z

Stolið og stælt af erluperlu

2007-01-20T21:30:00.000Z

Arriba! Arriba! Andalay! Andalay!

Undirrituð er að fara til Barcelona í apríl! vííí... og Gnesan mín ætlar að koma með mér. Hún var þarna úti í málaskóla þannig að hún ætti að vita hvar allar bestu búðirnar eru og allir bestu staðirnir.
Væri alveg til í smá sól núna strax samt. Er búið að vera aðeins of kalt hérna á klakanum fyrir minn smekk.

Hvað er annars í fréttum... jú ég er orðin árinu eldri. Leitaði mikið í speglinum en fann enga nýja hrukku né nýtt grátt hár. Það er líka ekkert merkilegt við að verða 27. Hugsa enn til hryllings þegar ég varð 25. Held að 30 ára afmælisdagur sé samt ekki góður, óska eftir miklu af áfengi á þeim degi.

Erla kom svo með stúlku núna í vikunni. Kíkti á hana í gær og hún er alveg eins og pabbi sinn.
Svei mér þá ef hún er ekki fallegasta ungabarn sem ég hef séð. Alveg slétt og er mikið að spá í umhverfinu.

Það er auðvitað búinn að vera mikill spenningur í kringum barnið upp í vinnu því að það eru sex ár síðan það kom síðast barn í deildinni okkar. Þegar ég heyrði að þetta væri farið af stað hjá henni fór ég niður og tilkynnti þetta. Sat svo í smók með þeim öllum og fékk að heyra hverja fæðingarsöguna á eftir annari. Klipptar píkur, rifnar píkur, öskur, blóð og læknar þefandi af legvatni er ekki gott fyrir manneskju eins og mig sem er ekkert búin að fara í þennann pakka. Hef sjaldan setið með lærin jafn kyrfilega krosslögð og þarna um daginn.

Meiri gleðifregnir. Bíllinn er hreinn!
Fór í dag til að leita að núllum og þar sem ég er með nefið ofan í bókhaldinu og ekki viðræðuhæf af því að ég var svo mikið að spá, kemur ein elskan og vill fá bíllyklana mína, hann sé fyrir. Ég rétti honum þá bara án þess að kíkja upp úr pappírunum, spái bara ekki í þetta meir... fyrr en ég fatta að það er ekki sjens að burrus hafi verið fyrir. Kíki fram og þá er búið að þrífa kvikindið fyrir mig.
Fleygi í köku við nennu.

2007-01-09T22:45:00.000Z

víííí..!

Akkuru ískrar í mér...? já sko... ég er búin að fá fartölvu.
Aldrei að vita nema að ég verði duglegri hér.

En með þessari fjárfestingu minni sé ég fram á að koma alltaf of seint í vinnuna núna á næstunni... ekki var ábætandi samt... jú... nú fer ég í það að skoða Fréttablaðið á netinu áður en ég fer af stað. Saknaði þess alltaf eftir að ég flutti hérna í Kastalann. þ.e. að skoða Fréttablaðið, eða blað yfirhöfuð. Glætan að ég eyði dýrmætum mínútum í það að fara upp og niður stigann fyrir eitt blað.
Ég finnst ég vera mest dugleg þegar ég nenni bæði að blása OG slétta á mér hárið á morgnana.

Það er hálf sorglegt hérna í kastalanum eftir að jólaskrautið var tekið niður og bara vondir molar eftir í nammiskálinni.
Þeir eru meira að segja það vondir að ég í þynnkunni á laugardaginn hafði ekki áhuga á þeim. Þá er mikið sagt.

2006-12-29T00:45:00.000Z

Gleðilega rest gott fólk..!

Það verður fróðlegt að sjá hvað gerist þegar ég ýti á "publis post" hvort að það sé eitthvað þægara hér í foreldrahúsum heldur en í Kastalanum heima.

Á þessum árstíma fylgir auðvitað að segja frá gjöfunum sem maður fékk...
æi... nenni ekki. En ég fékk alveg fullt af æðislegum hlutum... en kannski það sem vakti mesta lukku þessi jólin var svona neon bleikur stressbolti, úr svona slepjugúmmíi sem hægt er að teygja og toga á alla kanta. Boltanum er búið að misþyrma svo agalega undanfarna daga að andlitið er farið af og það er komið gat á hann. Gatið leiddi svo annað enn miklu miklu miklu skemmtilegra í ljós... sko þegar kvikindið er kreist... byrjar að sjást í smá hvítt sem stækkar svo í risabólu sem lætur svo undan (fæ bara unaðshroll við tilhugsunina. Ég hélt alltaf að ég hefði erft bólufetishið frá henni móður minni, en þegar ég var að leika mér að gatinu í annað sinnið, stynur upp úr föður mínum í andakt sem sat við hlið mér...
-noh! þetta var bara eins og fílapensill!

Já það er ósköp lítið sem þarf til að gleðja mitt hjarta!

2006-12-18T16:33:00.000Z

Hó! hó! hó!

Nei nei... jólaskapið er ekkert komið enn, eins og vanalega. Er samt búin að kaupa allar gjafir og meira að segja pakka inn öllu sem á að komast til skila hérna á höfuðborgarsvæðinu. Lærði það af harðri reynslu að vera ekkert að pakka niður gjöfum sem þarf svo að velkjast í ferðatösku í mislangan tíma.

En ég er nú svosum búin að stússast hellings í kringum jólin. Meira að segja eitt stykki jólaball... með tilheyrandi jólasveinum... má til með að segja frá einu...
Þegar ballið var búið, lumma ég mér fram hjá frænku minni til að gera upp við jólasveinana. Þeir þurfa víst að kaupa sitt í Bónus núna, alveg eins og við öll hin.
Ég banka á hurðina og spyr - Strákar! Eruð þið dísent? Já já er svarað þannig að ég fer inn. Situr þá ekki einn jólinn á brókinni, klappar á lærið á sér og strýkur yfir skeggið... koddu hérna gæskan... Bad Santa hér!
Þetta bjargaði alveg fyrir mér desember get ég sagt ykkur... ég hló svo mikið að það lá við að ég hefði sjálf þurft að skipta um brók..!

2006-12-06T23:03:00.001Z

Lúði lúði lúði

Ég hef oft og mörgum sinnum fussað með sjálfri mér yfir lúðum sem ég sé oft t.d. í röð í Bónus eða á næstu bensínstöð með id kortið af vinnustaðnum hangandi framan á sér eða út á hlið.
Já ég hef fussað yfir svona liði... meina... lúðinn að taka þetta ekki af sér þegar vinnan er búin. Alltaf gaman að Jón Jónsson er að vinna hjá Jóni Jónssyni við að passa Gunnu Jónsdóttur.

Nú er búið að merkja alla í bak og fyrir á mínum vinnustað. Ég veðjaði við sjálfa mig að ég myndi týna þessu svona c.a. sextíu sinnum áður en nýtt ár liti dagsins ljós.
Kortið hefur ekki enn týnst.... en já og svo .. sko...
Ég þurfti að fara í búð um daginn... eftir vinnu... hallaði mér aðeins yfir afgreiðsluborðið og heyri þá eitthvað skrítið glamur... var ekki alveg að tengja fyrr en ég lít niður.
Helvítis id-kortið danglaði sumsé framan á mér og skall í borðið.

Ég er lúði.

2006-12-01T14:09:00.000Z

Nú sit ég á gamla staðnum mínum... með headsett á kollinum.
Ég var svo innilega búin að gleyma hvað það er mikið stuð hér.

Má til með að deila með ykkur gullkornum dagsins.

Það svaraði ekki hjá einum í dag og kúnninn skildi ekki neitt í þessu.
Hann náði sko í manninn í gær!

Það hringdi ein inn mjög svo óhress. Bíllinn sem hún keypti í sumar er orðinn rúðupisslaus! Ég benti henni á næstu bensínstöð með þetta. Hún varð enn verri því að bíllinn hennar er jú í kaskó!

Mikið svaðalega fannst mér þetta samt krúttulegt.
Hringdi ein og spurði hvort að það væri ekki til spes rúðusköfur fyrir ógeðslega dýra og fína bílinn hjá kærastanum. jú jú... það eru seldar rúðusköfur hér... en þær eru bara þessar venjulegu sem fást á öllum bensínstöðvum.
Henni fannst það voða lummó og lét mig sko heyra það!

Og svo auðvitað uppáhaldið mitt.
-Fá samband við varahlutaverkstæði
-- já hvort er það, varahlutir eða verkstæði?
-já

2006-11-29T21:25:00.000Z

Ég er svo mikilll sökker...
Ég er svo ógurlega mikill sökker fyrir auglýsingum.
Ég er búin að slefa mikið yfir L'Oreal meikauglýsingunni sem gengur núna... Milla með alveg fullkomna húð eftir sextán tíma á tjúttinu og meira að segja skellir sér í drifhvíta rúllukragapeysu án þess að blikka.
Ég átti einu sinni hvíta rúllukragapeysu. Mikið svakalega vandaði ég mig mikið við að komast í hana.
En já... að sökkernum.
Ég er sumsé búin að bíða alveg óóógurlega lengi eftir því að meikið mitt fari að klárast. Hef sko ekki verið neitt sparsöm með það. Tvær gusur auka á dag er fínt sko... mig langaði nefnilega svo svaðalega mikið í nýja meikið frá L'Oreal.
Ég keypti mér Cosmo síðustu helgi... og það var prufa af hinu ó svo frábæra meiki með blaðinu. Það tísti í mér af æsingi að prufa.
Já það tísti.
Þetta var sko sami liturinn og hún Milla vinkona mín er með... sem ég hélt að væri sko aldeilis fínt. Kannski of ljós, er ekki alveg svona ljós eins og hún.
Nei nei..!
Ég var eins og fífl í framan með grímu.
Issss... hugsaði ég bara með mér. Þarf bara að kaupa ljósara meik.
Lilli bró rak hausinn inn í stofu og hrökklaðist út og spurði hvað í djöflinum ég væri að gera. Lilli bró... jú knóv... ég gæti verið með spöng í hárinu með hreindýrahornum og hann myndi ekki taka eftir því.
Jæja... hvað með það þótt að hann hafi eitthvað verið að tjá sig... hann veit ekki hvað er flott í þessum málum.
Ég var með meik á höndunum þannig að ég fór í það að skola það af.
Þetta var ekki skolað af get ég sagt ykkur. Heldur skrúbbað af með naglaburstanum.
Ég skutlaði líka einni seríu út í glugga þann dag.
Er enn að melta hvernig ég eigi að ná meikblettunum úr gluggatjöldunum án þess að taka allt klappið niður og henda í vélina. Nenni ekki að strauja fleiri fleiri fermetra. Gerði það í sumar.
Hann var heldur ekki lítill þvotturinn sem fór fram seinna um kvöldið. Sápa, hreinsikrem og andlitstoner í fleiri fleiri skipti þar til að þvottapokinn hætti að vera brúnn.

Hí á Millu sko.... sé fyrir mig að það hafi þurft að smúla hana með brunaslöngu eftir auglýsinguna fyrst að ég þurfti að fara í stórtækar aðgerðir eftir eina saklausa prufu.

2006-11-23T23:12:00.000Z

Ef lífið væri bíómynd...

Rændi þessu af Hafdísi. :)
Held að þetta sé í fyrsta skipti sem ég geri eitthvað svona. Helvíti sneddí. Þið túlkið svo niðurstöðurnar alveg eins og þið viljið.

En þetta virkar svona.

Ef lífið væri bíómynd - hvernig yrði lagalistinn þinn?

Svona virkar þetta:
1. Opnaðu lagasafnið þitt (iTunes, Winamp, Media Player, iPod, o.s.frv.)

2. Ýttu á uppstokkun (shuffle)

3. Ýttu á spila

4. Skrifðu nafnið á laginu og listamanninn hjá hverri spurningu

5. Þegar þú færð nýja spurningu ýttu þá á næsta lag

6. Ekki svindla og þykjast vera töff?

Opnunaratriði: Travis-the Cage
Þegar þú vaknar: Jagúar - Dr Rhythm
Fyrsti skóladagurinn: U2 - One
Að verða ástfanginn: The Beatles ? A Hard Days Night
Slagsmálalag: The Prodigy - Voodoo People (Pendulum Remix)
Að hætta saman: Gnarls Barkley - Transformer
Árshátíð: Frankie Goes To Hollywood - Relax
Lífið: Boston - Peace Of Mind
Andlegt áfall: Damien Rice - The Blowers Daughter
Að keyra: Suede ? Beatiful Ones
Afturhvarf (Flashback): Youssou N'Dour (feat. Neheh Cherry) - 7 Seconds
Að taka aftur saman: Queen - The Loser In The End
Brúðkaup: Sálin Hans Jóns Míns - Uppí skýjunum
Fæðing barns: Placebo - Teenage Angst
Lokabarátta: Billy Idol - Cradle Of Love
Dauðaatriðið: Rob Zombie - More Human Than Human (White Zombie)
Jarðarfararlag: Evanescence - Haunted
Lokalag (þakkarlisti): Nick Cave - Into my arms

2006-11-20T21:07:00.000Z

Stundum ætti ég nú bara að kunna að halda kjafti.

Kallarnir í vinnunni ætluðu að skutla nagladekkjunum undir bílinn minn í dag. En það var mikið að gera og ég gleymdist. En eftirfarandi samtal átti sér stað í dag rétt um sexleytið.
-Skrattinn hafi það Ragnheiður! Ég gleymdi þér (Ýmindið ykkur svo kall hoppandi um á öðrum fæti að reyna að koma sér úr vinnugallanum án þess að fara úr skónum)
--Já ekkert mál.
-Í alvörunni. Á ég ekki að reyna að fá einhvern annann í þetta (Svolítið höktandi því að það er erfitt að vera stressaður og reyna að koma sér úr vinnugalla yfir stóra skó)
--Í alvuru... ekki málið.
-Já sko en...
--SKO! ég er að VESTAN og ætti að kunna að díla við smá hálku.

Það þurfti að hjálpa þessari að vestan út úr stæðinu í kvöld.

2006-11-19T01:13:00.000Z

Mér er spurn...

Hvað í fjandanum á þessi skítakuldi hérna að þýða?
Músahjartað í mér fékk smá herping núna í vikunni. Þurfti að fara í bankann á fimmtudaginn og fór í Fjarðarkaup. Það er nú ekki langt þangað... en ég gat ekki einu sinni klárað blótsyrðin á ástkæra og "yl"hýra því að það var svo helv. ansk. djö. mikill skítakuldi úti. Þegar ég stekk út úr burrus heyri ég tónlist (gól) og finnst ég allt í einu vera út í Búdapest. Fyrir utan situr betlari og hún er fjólublá í framan af kulda og framleiðir hljóð á skrítið hljóðfæri.
Er þetta löglegt?
Má betla hérna?
Er þörf fyrir því að fólk sé að betla hérna?
Ég á ekki orð!
En þar sem ég var ótrúlegt en satt með meira í vasanum heldur en ló þá lét ég hana hafa það sem ég var með á mér. Ég er auðvitað búin að heyra að maður eigi ekki að gefa betlurum pening. En það er erlendis. Ekki á þröskuldinum hjá mér.

Það er annað sem er að hrjá mig núna.
Vinur minn hann Dr. Phil sem var alltaf með mér á morgnana meðan ég píndi ofan í mig morgunmatin og gerði mig sæta er farinn. Hættur og illa farinn.
Dr. Phil sem var aldrei með læti og bara voða rólegur og ljúfur. Akkúrat það sem ungfrú morgungeðprúð þurfti á að halda á morgnana.
Núna er komin snargeðveik bredda sem talar hátt og hratt, fleygir hlutum og er greinilega ekki búin að fara í greiningu. Sálartetrið mitt þolir bara ekki svona mikil læti á morgnana.
Ég skil bara ekkert í mér að viðurkenna þetta... en ég sakna Dr. Phil óendanlega mikið. Breddan með ofvirknina er ábyggilega fín seinnipartinn.

Jú..!
Það er líka eitt í viðbót. Ég veit bara ekki hvernig ég á að tækla þetta mál, en skítastuðullinn hjá mér er búinn að lækka allsvaðalega.
Dæmi: Ég sé að það er þessi fína smurolíurák í buxnaskálminni. Buxunum sem ég var í daginn áður og í staðin fyrir að roðna og blána og biðja alla vætti um að enginn hefði séð þetta, þá spáði ég bara ekki í þessu meir. Vanalega hefði ég nú skotist heim í matartímanum og skipt.
En kannski var ég líka bara svona skynsöm... hefði hvort eð er farið eftir hádegi á staðinn þar sem svona skeður.

2006-11-10T20:28:00.000Z

vitiðihvað!vitiðihvað!vitiðihvað!vitiðihvað!

Ég er á hreinum bíl..!

Og af hverju er það svona óskaplega merkilegt? Jú..! af því að ég þurfti ekki að þrífa hann sjálf. Einn kallinn í hinni vinnunni kvartaði undan verkefnaleysi og ég sagði í djóki að hann gæti skolað af bílnum mínum ef honum liði eitthvað illa.
Heyrðu! hann heimtaði af mér lykilinn meðan ég reyndi eins og ég gat (nú er ég að ljúga) að draga í land með þetta... og þeir ekki bara skoluðu af honum, heldur bónuðu hann og rygsuguðu!
Svei mér þá... held að ég athugi hvort að vinkona mín hún Betty Crocker verði samvinnuþýð við mig á næstunni. Þeir verskulda sko köku!

Í vikunni var ég svo á kvöldin á námskeiði, í tjónamatskerfi sem tryggingarfélögin nota.
jæja.... ég var stundum allsvaðalega efins um hvaða tilgang vera mín ætti þarna. Því stundum var ég ekki að skilja shit.
Þurfti stundum að hafa mig alla við að fara ekki að telja götin í loftinu... En þegar kom að þessu verklega þá gat ég sko alveg spjarað mig með ágætum... bara nokkrar spurningar... "strákar! hvað heitir þetta?" Get sko þetta eins og hvað annað.
Veit samt ekki hvað kennararnir hafa haldið þegar það mætir bara ein á pinnahælum innanum hina í stáltáarskóm. Ákvað svo að ég skildi bara spyrja seinna út í þessi erfiðu orð en ekki vera að trufla allt saman með því að spyrja til dæmis hvað er að réttarmæla þar sem að allir hinir vita alveg hvað það er, alveg eins og ég veit hvað sléttujárn er eða baðdúlla.
En jú.... þegar það var verið að tala um sjálfberandi yfirbyggingu, setti ég í brýrnar og fletti fram og til baka... kom annar kennarinn... kreisti á mér öxlina, bosti og sagði -bara alveg eins og bíllinn þinn.
Sem betur fer bætti hann ekki við gæskan eða vinan. Annars hefði ég orðið fúl en ekki fegin.

2006-11-04T11:00:00.000Z

pínlegt.is

Laugardag einn í síðasta mánuði fór ég í óvissuferð með vinnunni.
M.a. fórum við í Adrenalín garðinn á Nesjavöllum. Þar er maður látinn troða sér í ansi öflugt sigbelti með böndum yfir axlirnar, og það er líka ansi breiðara líka harna í klofinu heldur en þessi venjulegu.
Það sem við vorum látin gera þarna var að klífa ansi ljótan og helvíti háan rafmagnsstaur og klífa svona líka andskoti háan vegg. Þriðja dæmið er kallað rólan. Maður er sumsé hífður upp í skýin og svo á maður að tosa í spotta sem lætur mann gossa. Ég var svo hrædd fyrstu gusuna að ég gat ekki einu sinni öskrað! gat svo gargað hinar þrjátíu og eitthvað alveg eins og mig lysti.
Talandi um garg. Það var nú bara ein sem sem öskraði svo mikið að hún fór úr kjálkalið. Nú er ég ekki að ýkja.

En af hverju var ég að lýsa hversu breitt beltið væri í klofinu... jú það er ástæða fyrir því. Ég marðist soldið hressilega mjööög svo ofarlega innan læris.
Miðvikdaginn eftir þá þarf ég að mæta til kvensa.
Ég ligg sumsé á bekknum hjá honum, þið skiljið, með kollin á honum þið vitið hvar.... svo spyr hann
-Ertu sexjúalt aktíf?
--Nei. Heyrist ámátlega í mér.
-Nú nú... (með tón)
--Ég var í Adrenalíngarðinum á laugardaginn. Gat ég mjálmað upp úr mér.
-Jahá

2006-10-25T19:30:00.000Z

Ég fékk þessa agalegu martröð núna á aðfararnótt þriðjudagsins. Eða það var þannig að ég vakna og mér finnst einhver liggja á gólfinu við hliðina á rúminu mínu. Ég gjörsamlega fraus og gat með miklum viljastyrk lokað augunum og teygt mig í slökkvarann á lampanum. Eftir smá fortölur í kollinum á mér þorði ég að kíkja og þá var þetta bara peysa af mér sem lá þarna. Voða saklaust.
Ég horfði illilega á Stephen King smásagnasafnið sem lá á náttborðinu mínu og kenndi honum um allt saman. Enginn herra King fyrir mig í góðan tíma eftir þetta.
Þegar ég vakna eftir brjálaða súra martröð í nótt þá fattaði ég að hryllingssögurnar áttu bara enga sök á þessu. Ég væri með hita.
Sit því hér heima með húfu á kollinum og bölva því að ég eigi ekki súpu í frystinum eða að það bjóði enginn upp á heimsendingu á svona. Helst það mikið kryddaða að maður svitni.

____________

Í gær fór ég nú að spá hvort að óbeit mín á sértrúarsöfnuðarliði sé nú ekki komin út í algjörar öfgar.
Það kom kona í gær að ná bílinn sinn og hún skildi eftir í þakklætisskyni eða eitthvað körfu fulla af ó svo girnilegum kanilsnúðum sem voru enn volgir með smá súkkulaðispæni efst sem var aðeins búið að bráðna.
Auðvitað er ráðist á körfuna um leið og hurðin lokast á eftir konunni... smjatt smjatt....
svo þegar ég er hálfnuð með minn ó svo girnilega heimabakaða snúð kíki ég ofan í körfuna, mér til mikillrar furðu liggur í botninum á körfunni fullt af "Jesú elskar þig" geisladiskum og "þú ferð til helvítis" bæklingum.
Hinn ó svo girnilegi snúður missti allann sjarma við þetta.

Lilli bró sagði mér að um daginn, hefði bankað upp á Vottar Jehóva. Ég bý í blokk með dyrasíma. Lilli bró var víst snöggur að losna við þá, en ég er ógeðslega fúl að einhver hérna skildi hafa hleypt þeim inn.
Væri eiginlega gaman að fá þá í heimsókn þegar ég er verulega pirruð og á túr og sjá til hvort að ég geti komið þeim til að grenja.

Ég hef verið að lesa soldið eftir rithöfund sem heitir Terry Pratchett. Hann er búinn að búa sér til sinn eiginn heim og þar ferðu eftir dauðann þar sem þú telur að þú farir "therefore it is most important to shot missionaries on sight." (Þess vegna er mjög mikivægt að skjóta alla trúboða á færi)
Veit ekki hvort að ég sé að fara rétt með þetta, en einhvern veginn svona var þetta.
Mér finnst þetta meika sens. Annars förum við öll til helvítis held ég miðað við að flest trúarbrögð segi að þú farir til helvítis ef þú trúir ekki rétt.

Annars ætti ég ekkert að vera að tjá mig núna. Með hitabulluna.
Gæti verið að ég eyði þessum pósti þegar hitinn er kominn í normið.

2006-10-23T19:06:00.000Z

Fékk þennann í póstinum í dag.
_______________________________

Five Germans in an Audi Quattro arrive at the Italian border. An Italian police officer stops them and says:

"Itsa illegala to putta five-a people in a Quattro!"

"Vot do you mean, it's illegal?" the German driver asks.

"Quattro means four!" the policeman answers.

"Quattro iz just ze name of ze fokken automobile" the German shouts ..."Look at ze dam paperz: Ze car is dezigned to carry 5 people!"

"You canta pulla thata one on me!" says the Italian policeman. "Quattro meansa four. You havea five-a people ina your car and you are therefore breaking the law!"

The German driver gets mad and shouts "You ideeiot! Call ze zupervizor over!
Schnell! I vant to spik to zumvun viz more intelligence!!!"

"Sorry" the Italian says, "He canta comea . He'sa buzy with a two guys in a Fiat Uno."
_______________________________

2006-10-22T20:53:00.000Z

Hvernig er nú aftur málshátturinn..?

Þegar fíflunum fjölgar í kringum þig þá?

Kem af fíflinu síðar.

Ég fór á Reiðhallarball með stóru systur og co. núna í gær. Held að ég hafi ekki farið á svona almennilegt flöskusveitaball með kömrum og læti síðan ég var sextán ára þannig að þetta var fín tilbreyting. Skímó spilaði og ég eyddi fúlgu í áfengi í ríkinu. Nokkrir ungir strákar úr plássinu hituðu svo upp fyrir hljómsveitina. Ég man nú ekki nafnið á þeim... en svei mér þá. Söngvarinn á eftir að gera stóra hluti. Enginn smá rödd á sextán ára púka.

Þá er komið að fíflinu. Það kom bara frekar myndarlegur ungur maður að borðinu þar sem ég sit með systu og co. Kynnir sig og segist vera frá ÍSafirði. Nú jæja en gaman að hitta einhvern af heimaslóðum. Svo heldur helvítið áfram að tala og þvílíka steypan sem valt út úr þeim manni. Hann hlýtur að hafa verið lamin ansi oft þessi... eða haldið að ég sé heimsk! Eða bæði.
1: í miðri setningu byrjar hann að láta eins og spastískur, lemur út í loftið og munaði ekki mikið að ég fengi einn á lúðurinn og partur af áfenginu fengi flugferð í gólfið. Hann var nefnilega trommuleikarinn í ákveðinni hljómsveit, var að koma af Airwaves skoh! ég kom bara hingað í stutta stund skoh!
-ég veit ekki betur en að sami trommuleikarinn sé enn í þeirri hljómsveit. Sé ekki fyrir mér að hann fari þaðan einhvern veginn.
2: Pabbi minn skoh! hann á skoh helminginn í - (ónefndri gosdrykkjaframleiðslu og innflutningsfyrirtæki).
-Jahá... get svo sum ekki svarið fyrir það, en ég held að ég hefði heyrt um ef að faðir þessa manns hefði keypt helminginn í þessu fyrirtæki. Svo les ég stundum viðskiptasíðurnar í blöðunum... svona fyrirtæki eru í eigu slatta fjárfesta ef mig minnir rétt.
3: Ég kom hingað á Camaróinum mínum skoh! Svo á ég emmu og Volkswagen eins og gefur að skilja.
-Ég spyr hann aðeins betur út í þessa "Emmu"
4: Já BMW M6 skoh! miklu flottari heldur en M5!
-jahá kellingabílinn á hann við.

Þarna hafði ég bara kinkað kolli og sagt aha eða uhu... ákvað svo að reyna að losna við fíflið áður en hann stingi úr mér augað með nefinu á sér eða velti öllu áfenginu mínu niður.
Sé ég ekki glitta á borðinu á móti í eina sem lítur út eins og tík með kótilettu og hvísla í eyrað á fíflinu að þessi ljóshærða sæta á móti hafi verið að gefa honum auga. Fíflið var snöggt að koma sér yfir. Svo voru þau farin að rannsaka úfana í hvort öðru ekki fimm mínútum síðar.

En að öðru leyti var bara frábært þarna. Bara ekkert mikið gaman að lesa um einhvern sem dansar af sér rassgatið!

2006-10-21T02:43:00.000Z

jahérna hér.
Ekki fer mikið fyrir dugnaði í mér við skriftir. Þetta er líka búið að færast neðar í forgangi hjá mér með auknum verkefnum og svona. Skiljist sem ég bara nenni þessu ekki þegar ég kem heim á kvöldin.

Nýja dæmið í vinnunni varð nú bara heldur betur meira heldur en ég átti von á. Framkvæmdastjóranum var sagt upp og já...... þið skiljið.
Auglýsingin tókst með þvílíkum afbrigðum vel. Klikkaði samt á spandexinu. ;)
Fékk svo blaðamann í heimsókn í dag. Alveg týpískt að ég skildi hafa vaknað með ljótuna, feituna og heimskuna einmitt í morgun og hún er enn viðvarandi.

Annars er ég í fílu núna. Lilli bró var að versla sér nýja tölvu. Gott mál og allt það, hann er svoleiðis í skýjunum og þegar hann er að tala við vini sína mætti halda á viðbrögðunum að hann hefði verið að kaupa sér... tjah... ég veit ekki hvað. Orrustuþotu?
En kassinn lítur út eins og skrímslið í Alien3 svo pípir í henni, en þó það óreglulega að ég hrekk alltaf við. Þá eru úber fljótandi legurnar eitthvað dóterí eitthvað að stilla sig af og harði diskurinn að endur eitthvað eitthvað calíbera sig. Hljóðið er samt þannig að ég fæ hræðslusting í mallann. En svo skil ég ekki eitt. Lilli bró var að eyða stórfé í þetta kvikindi og svo fær hann eitt það viðbjóðslegasta lyklaborð í geimi með tölvunni. Það er án spaugs svona fjórir sentimetrar á hæð. Hvaða fífl hannar svona? Getur ekki verið að hann hafi unnið með þetta. S.s. fíflið.

Ég er sumsé farin að láta mig dreyma um lappa.
Haldiði að það væri nú ekki lúxus að geta skoðað slúðursíðuna í Fréttablaðinu á morgnana á klósettinu? Ég nenni nefnilega engann veginn að fara alla leiðina niður og upp aftur til að ná í blöðin á morgnana. Ég hef einu sinni látið mig hafa það að fara niður í náttfötunum og flíspeysu til að ná í blöðin og ég hef aldrei mætt öðrum eins flaumi af fólki. Jamm... Haldið þið að það sé gaman að mæta mér á morgnana? Nei.
Ég er eins og kappinn sem górillan sópaði gólfið með í Kellogs auglýsingunni forðum á morgnana.

2006-10-04T21:04:00.000Z

Oftast þegar ég þarf að gera eitthvað eða að komast að einhverju eða fá eitthvað byrja ég á því að leita til vina og vandamanna. Eitt verkefnið upp í vinnu var engin undantekning. Ég þarf sumsé að redda 10 læknagöllum - sloppum, hlustunarpípum og fleira kúl.
Þegar ég spurði einn félagann hvort að hann vissi um svona fæ ég voða skrítin svip frá honum og hann spyr hvort að ég sé að fara að skella í eina bláa.
-Ha! eina bláa? Veistu... ha... skil þig ekki.
--Ragnheiður! þú veist eina K L Á M M Y N D! var stafað ofan í mig.
Ég þykist bara vera saklaus og vita ekkert hvað svoleiðis er.

Ég er búin að fá nokkur svona skot í viðbót. Skil ekkert hvurslags klámhunda ég þekki.

Það hefur ekkert gengið rosa vel só far að leita. En er samt með góða ábendingu frá henni Hafdísi. Geng í það á morgun.

Eeeen ég er búin að fá að heyra allt of mikið um hjúkkubúninga. Úr spandexi.
Mér finnst ég vita aðeins of mikið um kynlíf vina og vandamanna *hrollur* heldur en þurfa þykir.

En ég er samt mikið að spá í því að fá bara þessa blessuðu búninga líka lánaða, þannig að þegar kemur að því að slopparnir verði brúkaðir, þá vippa ég spandexinu fram fyrst og segi að engir sloppar séu í boði. Þetta verði að brúkast.
Jiii hvað ég held að mínir menn verði nú glaðir.

2006-10-03T21:19:00.000Z

Það er ekki oft sem hún ég gjörsamlega kolfell fyrir einhverju á netinu.
En ég varð gjörsamlega veik þegar ég sá þessi armbönd.
Ég spurðist fyrir á fimmtudagskvöldi og þetta var komið í póstkassann minn þegar ég kom heim seinnipartinn í gær.

Nú er bara að bíða eftir tækifæri til að skarta þessu.

2006-10-01T23:13:00.000Z

KrÃ¦st..!

HvaÃ° kom eiginlega fyrir stafina mÃna..?
Ãžetta er Ã lagi Ã Ã¾egar Ã©g skoÃ°a Ã¾etta Ã prewiew.
Ã‰g held aÃ° Blogger hati mig... !
HÃºn er lÃka miklu flottari Ã prewiew.

ÃžÃ¡ er bara ekkert annaÃ° Ã stÃ¶Ã°unni heldur en aÃ° fleygja sÃ©r Ã gÃ³lfiÃ° og taka eitt frekjugrenjukast.

*Update*

Tókst að laga og þá fór þessi í klessu.

Mér finnst ég samt vera ansi góð, því að ég þurfti bæði að fikta í template'inu og í settings.

2006-09-12T23:32:00.000Z

Ég fór á tjúttið núna síðasta föstudag.
Nú var vinnutjútt segja þeir sem þekkja mig. Já það var vinnutjútt og aðeins of mikið drukkið eins og siður er á svona samkomum.
Of mikið alkóhól í undirritaðri kom þó út úr henni orðunum sem hafa verið að brjótast um í henni núna undanfarið. Hvein aðeins í mér yfir köllunum sem eru í hinu fyrirtækinu. Já... þeir eiga sumsé að gjöra svo vel að hitta ofan í klósettið. Ef það tekst ekki. Að þurrka upp eftir sig. OJ. Einn þarna byrjaði eitthvað að tuða.... ég yppti brún og spurði hvort að hann vildi frekar að ég hengdi upp skilti fyrir ofan sem á stæði 'hann er ekki eins stór og þú heldur, komdu nær!'.
Ég hef ekki sett nein hraðamet í því að standa upp af salerninu þessa vikuna. Setti eitt svoleiðis í síðustu viku. En það er líka algjörlega mér að kenna. Mér er nær að vera svenflaus út af því að vaka eftir amerískum raunveruleikaþætti.

Hefði svo átt að enda tjúttið mun fyrr, en það endaði með mér snakkillri, ekki með þurran þráð á mér og handónýtan hundblautan Hlölla.
Var sumsé að bíða eftir leigubíl með vinkonum minni við Hlölla þegar viðbjóðslegt karlógeð kemur og byrjar með einhverja helvítis stæla og sóðasorpkjaft. Þar sem ég geng ekki dagsdaglega með flugnaspaðann í rassvasanum var asninn bara settur á ignore eins og sönnum dömum sæmir. Skoffínið verður bara verri og verri í kjaftinum... held að klór og vírbursti hefði ekki getað þrifið þennan munnsöfnuð... en litla píslin vinkona mín fékk bara allt í einu alveg nóg. Fleygir í mig yfirhöfninni, hlöllanum og töskunni. Grípur klappstól sem er þarna og lúskraði á honum. Já hún hljóp þarna á eftir honum og sveiflaði stólnum og náði að hitta kallinn oftar en ekki.
Það þurfti mig og annan karlmann til að ná þeim í sundur.
Ég verð að játa að ég hélt sko ekki kúlinu þarna... gargaði og gólaði á hana að hætta þessu. Jamm ekki kúl.

En djöfull var þetta fyndið daginn eftir..!

2006-09-09T21:18:00.000Z

Ég er brjál..!

Haldiði að helvítis blogger hafi ekki bara ... bara bara... bara... eyðilagt bloggið mitt!
Ég fékk náttla póst um að það hefði verið kommentað hjá mér og ég varð svaka kát og ákvað að kíkja og þá sást bara ekki neitt!
Eftir mikið japl jaml og fuður og ekki má gleyma blótsyrðum í Þjórsárfylli, þá sé ég að það vantar hreinlega endann á template'inu.
Sem ég skil alls ekki. Hef ekkert verið að fikta í því.

Helvítis.

2006-09-04T10:47:00.000Z

Ég fór nú að spá, þar sem ég var inn í ónefndri snyrtivöruverslun hér í bæ, hvort að það væri virkilega hægt að fara yfir strikið í því að eyða líkamslykt.
Ókei... ég viðurkenni alveg að ég nota svitarlyktareyði og fer í sturtu daglega, af því að ég vil alls ekki að það sé vond lykt af mér.
Ástæðan fyrir þessarri pælingu minni er sú, að ég var að skoða sjampóbrúsa sem lofaði þessu venjulegu, meðfærilegt hár, glans og heilbrigði. En síðasta setningin stakk soldið í stúf. "Eyðir hárlykt"
Eyðir hárlykt..!?! Allt er nú til..! ha.. hárlykt?

2006-09-01T23:32:00.000Z

Geisp.is

já geisp segi ég... er búin að gera ansi mikið af því núna sl. þrjá daga.
Fannst ég til dæmis ekki geta annað en vakað á aðfararnótt miðvikudagsins og standa mína pligt eins og sönnum Íslendingi sæmir. Ég var nú reyndar næstum því búin að kasta tölvuskjánum í gólfið þá nótt og spyrja lilla bró hvað ég skuldaði honum mikið. Server Error drasl segi ég bara.
Var líka voða kát þegar ég sá að ég var ekki sú eina úr vinnunni sem hafði staðið í þessu... röðin við kaffivélina strax um morgunin var af stærðargráðu sem hefur ekki þekkst áður.
Horfi svo að sjálfsögðu á þáttinn á miðvikudagskvöldið og auðvitað var það mér að þakka að Magni þurfti ekkert að standa upp... Auðvitað.
Þátturinn var samt frekar súr. Þegar Ryan Star klifraði upp á hátalarana skildi ég fyrst orðið kjánahrollur. Hef lítið orðið var við hroll kenndan við kjána... en núna fæ ég kjánahroll bara við það að amerískur þáttur hafi þessi áhrif á mig.
En ég eftir að sakna hans pínu... Ég sé alltaf Ben Stiller fyrir mér þegar ég sé hann... Sumsé ef Ben Stiller myndi leika 'intense rockstar' svo ég sletti.
Ég er bara satt að segja svo syfjuð að ég finn ekki neitt gott orð yfir 'intense'. Ég missti af Americas Next Top Model síðast, þannig að ég er búin að gleyma þýðingunni.

En svo er alltaf frábært að vera ósofinn og lufsulegur og með allt of mikla rót í hárinu... sérstaklega núna.
Ég var sumsé að byrja á nýju núna í vinnunni. Vinnan mín á annað fyrirtæki út í bæ og ég á að taka við þessum daglega pappírsrekstri þar, eða geri það fljótlega þegar ég er komin með puttana almennilega í þetta. Þetta er bara hálfan daginn og rosa fín tilbreyting og er líka risastórt innlegg í reynslubankann.
Verð samt að játa að ég var pínu stressuð yfir þessu. Fékk stressbólur í mallann við tilhugsunina á tímabili... en mér sýnist á öllu að ég hafi bara verið að mikla þetta fyrir mér. En það skall aðeins á mér hvað ég væri virkilega að fara að taka mér fyrir hendur þegar yfirmaðurinn þarna kemur með beiðnablað til mín og hann bað mig að kvitta á það fyrir sig... ég skima yfir blaðið og spyr svo hvar ég eigi eiginlega að skrifa og hann bendir á línu og segir - þarna sem stendur fjármálastjóri.
Svei mér þá... ef ég væri ekki Vestfirðingur, þá hugsa ég að það hefði hreinlega bara steinliðið yfir mig. o.0

2006-08-26T16:32:00.000Z

Fellur ykkur stundum hendur yfir ykkar eigin klaufaskap?
Mér er spurn...

Þegar ég haltraði aum og sár um á fimmtudaginn og reyndi að láta sem minnst á því bera að mér væri illt þá hugsaði ég soldið út í þetta.
Meina... ef ég hefði nú dottið af hestbaki, eða rúlluskautum, eða haltrað af því að ég sparkaði svo vel í töskuþjóf, þá hefði ég nú bara haltrað með stolti.
En nei ... ekki í þetta skiptið. Hverjum öðrum en mér hefði tekist að fara svona með sig... mér er spurn. Atvikið er eftirfarandi: ég í sturtu að teygja mig eftir sjampóbrúsa. Brúsinn datt ofan á tánna á mér og hún sprakk. S.s. táin, ekki brúsinn.
Svo hoppar maður ekki beint á öðrum fæti í sturtunni eins og fyrstu viðbrögð manns eru þegar maður fær eitthvað ofan á fótinn á sér.

Og svo auðvitað þegar ég á eitthvað bágt hringir maður í múttu. Já hún móðir mín sagði mér að ég ætti sko ekkert að vera að vorkenna mér. Hún hefði sko einu sinni fengið fimm lps kassa ofan á tánna á sér og það hefði þurft að taka nöglina af með teskeið.
Teskeiðin fór alveg með þetta.

Allt er þegar þrennt er segir málshátturinn. Þurfti að hringja til Tékklands og meðan að ég var á hold, fékk ég að hlusta á lagið úr Klaufabárðunum.

2006-08-11T09:02:00.000Z

Hellú...

Skellti mér í smá sumarfrí... þrjár vikur eða svo. Þurfti alveg á því að halda.
Var í viku fyrir norðan í bústað með familíunni. Brunuðum þaðan í allar áttir og skoðuðum svæðið eins og hægt var á stuttum tíma í gegnum bílrúðurnar. Afrekuðum meira að segja að keyra til Vopnafjarðar fram og tilbaka. Græni fjörðurinn minn tók svo við mér þegar bústaðnum lauk.
Held svei mér þá að ég hafi fengið alla þá sólardaga sem hafa verið í boði þetta sumarið í fríinu mínu. Ég er ekkert lítið heppin finnst mér. Er meira að segja með smá lit! Þó sumir myndu nú þræta fyrir að þetta heiti litur... varð þvílíkt móðguð þegar ég lýsti af áfergju öllum sólardögunum fyrir einum vinnufélaganum og honum fannst ekkert mikið til þessarar "meintu" brúnku minnar koma.... sagði eitthvað á þá leið að ég hefði þá ekki verið mikið í henni blessaðri sólinni. Dí... mig langaði að garga á hann - Viltu sjá sundbolafar helvískur! - En ég náði að halda kúlinu... eða eiginlega ekki. Setti upp skeifu eins og þriggja ára.
En mikið svakalega var erfitt að byrja í vinnunni aftur... skelli skuldinni á Rockstar. Þátturinn er óguðlega seint á dagskrá. Held að T.Lee mætti nú skammast til að færa þá bara svona eins og tvo tíma framar í dagskránni. Bara svo að ungfrú Morgungeðprúð fari nú ekki að stinga aftur upp kollinum.

En að sjá hann Magna þegar hann tók Plush með Stone Temple Pilots. Ég bara slefaði eins og fífl get ég sagt ykkur. Held líka að það spili inn í að hann var bara eins og uppáhaldið mitt Vin Diesel með þessi gleraugu. Tja... mínus músklar samt.

En svo bara smá pirr í lok pistils.
Hey þú sem lest inn á ný myndbönd auglýsingarnar!!! Kanntu ekki að lesa! Myndin heitir V for Vendetta og þetta er borið fram á okkar ylhýra vví for vendetta . Ekki ví for vAndetta eins og þú ert að gera góði. Gerðu þetta nú bara almennilega annars rúlla ég upp Myndir mánaðarins blaðinu og dúndra í hnakkann á þér með því.

2006-07-16T22:36:00.000Z

La raine du Snot écritez

Mikið svaðalega vorkenndi ég sjálfri mér í gær. Ég ungfrú hor í nös fór bara næstum því að vola. En það hefði þýtt á því andartaki að ég hefði þurft að snýta mér í peysuna mína því að það var ekki að sjá snýtuklút í fimm metra radíus þannig að ég tók mér taki. Eða réttara sagt... ég saug upp í nefið.
Mér fannst ég bara eiga alls ekki skilið allt þetta hor, eyrnabólgu með tilheyrandi hellum og verkjum og það að vera búin að nudda af mér hálft nefið með Eurotrash snýtuklútum. Sem ég svo skil eftir út um alla íbúð, ef ég skildi nú þurfa að brúka þá aftur.... (ég er ógeð... ég er með gesti for kræing át lád)
Meina.....
Ég tek lýsi og vítamín.
Ég borða ávexti daglega
Ég borða hellings grænmeti daglega
Ég drekk fullt fullt af vatni...
Og samkvæmt öllum kellingabókum ætti ég barasta ekkert að fá neitt helvítis kvef.
En svo klukkan þrjú í nótt, þegar ég hélt að hljóðhimnurnar myndu gefa eftir vegna þrýstings og augun voru orðin það bólgin að baugarnir voru horfnir, fékk ég vitrun... ofnæmistöflur! Ég átti svoleiðis síðan í fyrra... skellti einni í mig og ló and behóld! Ég var farin að anda í gegnum nefið klukkutíma síðar... og ég gat sofið... án þess að vakna til þess að þurrka hor af kinn.

Hverju ætli ég sé svo að taka upp á að hafa ofnæmi fyrir á gamals aldri..?

2006-07-13T22:03:00.000Z

Smá pirr í boði ungfrú hornös með eyrnabólgu.

-Orkuveituauglýsingin-
Ó my ó my.... þegar við systkinin sáum hana fyrst var ekki sagt orð. Ég leit á lilla bró sem var með alveg jafn skrítin svip og ég... svo teygði hann sig í fjarstýringuna og skipti um stöð. Þessi var ekki rædd fyrr en nokkrum dögum síðar.
Það lá við að ég hefði neitað að borga orkureikninginn þann mánuðinn. Hugsa að ef háu herrarnir í Orkuveitu Reykjavíkur hefðu sleppt þessum horbjóð hefðu þeir alveg getað lækkað reikninginn minn um nokkar krónur á ársgrundvelli. - og þinn reikning líka.

-Kjarnafæðisauglýsingin-
Tík með kótilettu er ekki sexý. Kótiletta er ekki sexý. Þessi auglýsing er hræðileg frá A til Ö. Hvað með það þó að hún hafi vakið athygli. Og þetta jarm í lokin..! Scheisse...

-KFC-
Ég fýla sköllótta dúdda... en þessi með kjúklingaborgarann er ekki að gera sig.

-Húsasmiðjuauglýsingarnar-
Viltu hætta að segja "Ekkert mál" plís!!!!! Þetta er ekkert "ekkert mál"

Já og svo var verið að auglýsa eitthvert vídeóblogg áðan á Sirkus. Ég var svosum ekkert að spá í því... var að þrífa... en svo heyrði ég
-Ef þið horfið ekki á mig, þá sko bara kveiki ég í mér sko-

Þú harna..! Viltu bara ekki klára það núna? Ekki ætla ég að horfa á þig.

2006-07-11T21:26:00.000Z

Sú var tíðin að ég gat látið hreinlega allt flakka hérna inni. En eftir að hafa tekið svona langt bloggfrí er ég skyndilega orðin feimin. Veit ekkert hvað ég á að segja... set nokkrar línur niður en eyði þeim jafnharðan út.

Eeen ég er að fara í sumarfrí eftir ekkert svo marga daga. Hlakka mikið til. Að fenginni reynslu veit ég að það verður allt of fljótt að líða og það er bara sól á morgnana þegar ég nenni ekki að hafa mig á fætur.

Ungfrú Morgungeðprúð er aðeins farin að sýna á sér hornin. Mér til mikillar raunar. En ég veit að þetta er aðeins tímabundið ástand því að sú manneskja sem fær skrímslið til að sýna sitt sveitta skinn verður bara í kringum mig í sumar.
úff... ef þið mynduð heyra í henni þá mynduð þið alveg hafa samúð með mér.... það er hægt að vera morgunhress... en kommon... það er hægt að fara yfir strikið í öllu. Meira að segja í morgunhressinu. Þetta er verra en blautur koss á eyrað get ég sagt ykkur.
Gódæjin!

2006-07-05T20:33:00.000Z

Bonjour mon lecteurs avides!

Fékk hana Erlu í mat um daginn og hún tilkynnti mér að það væri barasta ekkert að tölvunni. Gæti sko vel bloggað hér.
Helvítis... leið eins og asna... svona eins og þegar maður er búin að vera lengi að t.d. starta bílnum sínum og þá kemur einhver annar til skjalanna og druslan þýtur í gang eins og það sé enginn morgundagur.
Eða fá komment eins og -ertu búin að ýta á Num Lock?
Hataða..!

2006-06-12T13:43:00.000Z

hellú...

Ég skil ekki hvað gengur að tölvunni hjá lilla bró en það gengur alls ekki upp að pósta neinu þar. Fæ alltaf einhverjar villumeldingar og pace can not be found kjaftæði.

Þar sem ég er búin að blogga svo lítið fáið þið bara skammt í smáfréttastíl.

-Loftkastali sem ég var búin að byggja hrundi svo agalega að mér er enn illt í botninum.
-Við systkinin þurfum að flytja bráðlega. Leigumarkaðurinn er alltaf sami skíturinn og það eru allir að segja mér að bíða í ár með að kaupa. Þannig að ef þið vitið um holu í ár, látið mig vita.
-Ég er búin að skrá mig í einn kúrs í háskólanum.
-Ég skilaði mínum elskulega fransmanni núna í síðustu viku og sit uppi með helvítis asíubúa í eitt ár. ÉG ER Í FÝLU!
-Það er komið sumar og það þýðir að mér er hent í djúpu laugina hérna upp í vinnu. En það er svosum í lagi... meðan það er bara vatn í lauginni.

2006-05-10T10:46:00.000Z

Ég er í alvurunni að spá alvarlega í því að fjárfesta mér í einum flugnaspaða, helst bleikum eða jafnvel hafnaboltakylfu.
Í kastalanum er nefnilega ekki líft fyrir hita þegar ég kem heim úr vinnunni og byrja ég yfirleitt á því að opna svalahurðina. En þá koma þessar líka yndislegu hunangsflugur í heimsókn. Ég er alltaf að reyna að segja við sjálfa mig að ég sé ekkert hrædd við þær, þær séu svo sætar og yndislegar þar sem þær bera frjókorn á milli blómana. En þegar ég sé eina silast á ljóshraða beint á milli augnanna á mér, þá langar mig helst að fleygja mér undir sófann.
Spurning líka um að parkera ilminum frá Victoria' Secret.
Þá kannski hætti ég að reyna að stugga þeim út með dagblaði, búin að kýta hausnum á mér gjörsamlega niður á hæla.

Svo þegar ég fer líka að spá í það, þá er ég með afskaplega lítið hjarta. Ég öskraði svo mikið þegar, sællar minningar, kötturinn kom með fugl lifandi fugl inn, að ég held að það hafi myndast sprungur í múrhúðinni á húsinu. Einnig fór ég í viku fýlu við lilla bró þegar hann vildi ekki koma og bjarga mér.
Mér er líka meinilla við mýs. Held alltaf að þær eigi eftir að skríða upp eftir fótleggnum á mér. Þannig að ég get ekki lýst hrollinum sem ég fékk þegar húsvörðurinn í vinnunni kom með músagildru og setti upp kannski tuttugu sentimetra frá tánum á mér, og mér er skítsama þótt að þetta hafi verið undir skáp. Þetta var samt bara í einni reglustiku fjarlægð. En svo þegar ég fer að hugsa aðeins meira um þetta... þá er ég ekki viss hvort hafi valdið mér meira hugarangri, músin eða gildran.

En aftur á móti þá víla ég ekkert fyrir mér að fremja fjöldamorð á geitungastofni landsins með inniskó einan að vopni. Heldur sé ég ekkert að því að grípa kónguló í tissjú og sturta niður. Hef aldrei skilið kvenfólk sem galar upp á stól af því að það er kónguló í nágrenninnu. Þær eru þó skömminni skárri heldur en hunangsfluguhlussur sem halda að ég sé blóm..!

2006-05-04T00:17:00.000Z

Hér skrifar latasti bloggari norðan Alpafjalla.

Æi... ég er með góða afsökun. Get ekki lengur gert þetta á launum...

Árshátíðin var um daginn og haldið að mín hafi ekki bara mætt í kjól!
Já þið lásuð rétt. KJÓL! Það lá líka við yfirliði hjá nokkrum þegar ég mætti í múnderingunni af undrun. Hlakkaði líka í mér þegar einn kom og bauð mér í glas snemma morguns og sagði að hann hefði unnið! Unnið hvað sagði ég... já sko... hann og nokkrir aðrir voru búnir að veðja um að ég væri komin í gallabuxurnar fyrir miðnætti en hann sagði að ég yrði í dressinu.

Átti gott samtal í syndinni um daginn og umræðan var sjónvarspefni. Drulluðum ég og annar yfir Dr. Phil og Ophru því að okkur þykja þau bæði vera orðin of mikil trúarbrögð... hjá sumum allaveganna... hinn tók nú lítið undir. Sagði að hann horfði nú mest lítið á sjónvarp, en honum þætti einn rosalega góður. Stór maður.... situr í stól... svona sálfræðingur... skildi svo ekkert í því af hverju við settum upp svip!!!
Þið fattið!

En meira að árshátíðinni... það var víst tekið eftir tiltektinni sem sett var í gang þegar ég flutti mig upp í hæðstu hæðir. Fékk nafnbótina Soffía frænka!

Annars er voða lítið að frétta.... er bara í þessum vinna-éta-sofa hring. En við systkinin erum aðeins að pæla í íbúðarmálum núna... er með fiðring í mallakút vegna þessa. Er ekki alveg búin að ákveða hvort að það sé stress eða spenningur. En svo er einhver magapest að ganga. Gæti þess vegna verið með vindverki.

Au revoir

2006-04-05T21:28:00.001Z

Hellú öll...

Ég get ekki bloggaði heima hjá mér... þess vegna er kannski svona tregt hérna hjá mér. Ekki er það leti... nei nei nei nei.

Er farin að hlakka til páskana og samveru með familíunni. Skellur allt á í næstu viku :)

Ég er svo farin að gera allt aðra hluti upp í vinnu. Er þannig séð eiginlega hætt á símanum, er bara að leysa af núna.
Ég er sumsé komin í tollskýrslugerð fyrir verslunina og er staðsett hálfan daginn upp í hæðstu hæðum hjá köllunum þar. Þessar elskur snúast svo eins og skopparakringlur í kringum mig, en ég held að það breytist þegar nýjabrumið er farið af.
En það hlýtur samt að vera pínu erfitt að láta einhvern af hinu kyninu "ráðast" svona inn á sitt svæði.... ég segi þetta af því að einn þeirra rak svo hrikalega við að það hrikti í húskofanum. Þegar ég svo lít yfir öxlina á kauða verður minn svona líka dökkfjólublár í framan.
Ég vona bara að hann hafi ekki haldið að ég hafi verið að flissa að honum í framhaldinu.

Svo af því að ég er auðvitað frekja mikil þá fóru fyrstu dagarnir í það hjá mér að láta þessar elskur taka til hjá sér. Held að þeir hafi hent hálfu tonni af pappír þegar upp var staðið. Það fannst meira að segja dagatal þarna frá því að ég var á bílprófsaldrinum. Þess má geta að húsnæðið var í byggingu á þeim tíma.

Ég sé svo til hvort að það verði ekki kominn upp kaffikrókur þarna í haust, og vatnsvél með sódavatns fídusi. ;)

Au revoir..!

2006-03-22T10:47:00.000Z

La dramakvín skrifar..!

Æi.... ég er kannski ekkert svo mikil dramadrottning, getið alveg dæmt um það í lok þessarra skrifa. Ég er svo innilega að reyna að sjá spaugilegu hliðina á þessu. En kannski á maður ekkert að taka eina Pollýönnu á svona.

Ég er sumsé búin að vera fastur gestur á Leitarstöðinni núna s.l. eina og hálfa mánuðinn... eða tja... ekki fastagestur, þegar strok nr. 2 mistókst hringdi einhver kona sem kann ekki mannleg samskipti í mig frá Leitarstöðinni og sagði mér á innsoginu að það væri greinilega bara eitthvað að og ég ætti bara að koma á morgun í speglun.

Þetta var frekar mikið áfall og ég þurfti að gráta pínu. Ákvað svo að vera ekki að stressa mig yfir einhverju sem ég vissi svo ekkert hvað væri. Eða ég reyndi.... ældi um kvöldið af stressi einu saman.

Mæti svo daginn eftir... að vísu með hjartað í buxunum, en vísu aðeins hugrakkari heldur en deginum áður. Aðeins búin að spyrjast fyrir hvað ég ætti í vændum þannig að ég vissi svona nokkurn veginn hvað ég væri að fara út í.

Ég veit ekki hvar þessi helvítis læknir fékk prófið sitt. Því að ekki fór þetta vel. Það blæddi hrikalega mikið og þetta var virkilega vont og niðurlægjandi. Ég grét, get ég sagt ykkur. Svo þurfti helvítið að nota áhald aftur sem hann var búinn að nota og í staðinn fyrir að fá nýtt þá bað hann hjúkkuna bara um að skola það undir vaskinum!
Hreinlæti er dyggð á svona stöðum!!!!
Svo finn ég að hann er orðinn stressaður og pirraður út í mig fyrir að blæða svona mikið. Svo er hann virkilega orðinn harðhentur þannig að ég hendist öll til á bekknum.Einnig fór rosalega í mig að hann sagði aldrei hvað hann ætlaði að gera næst.
Segir svo við mig að hann vilji bara senda mig strax á kvennadeildina og ætli að koma mér þangað eftir hádegi.
Ég sit frammi í helvítis sloppnum og hringi í mömmu, sem gerir auðvitað það sem mamma mín mundi gera og það er að koma eins fljótt og hún getur.
Enn græt ég og græt því að ég veit barasta ekkert hvað er í gangi.
Karlhelvítið kallar svo á mig eftir rúma klst. og segir að ég eigi að fara á kvennadeildina daginn eftir en ekki strax, hinn læknirinn vilji að ég jafni mig aðeins áður, samt er hann stressaður og hreytir í mig að skrifa niður nafnið á lækninum. Ég er að byrja að krota á kvittunina frá þeim þegar hann spyr hvað þetta sé eiginlega.... ég eigi bara að skrifa á kortið frá honum. En ég fékk ekkert kort frá þér. ? jú segir hann. Nafnspjaldið mitt. -- nei segi ég... ég fékk ekkert spjald frá þér. Hann hristir bara hausinn yfir þessari heimsku í mér og hendir í mig spjaldi.

Morgunin eftir skilar sér fokkings grisja í klósettið. GRISJA!

Einnig líður mér eins og það hafi verið keyrt á mig.

Mamma er svo kominn og kemur með mér til halds og traust á kvennadeildina. Þar fæ ég að vita eftir skoðun og tjasl að það sé ekkert að mér, jú mjög bólgin og með þrjú sár sem blæðir úr. Og jú... læknirinn á leitarstöðinni hafi verið hræddur um að hann hafi gleymt grisju. Ekkert verið að segja manni frá svona löguðu. Þetta er á miðvikudegi.
Mikið ofboðslega varð ég fegin. Ég og mamma höldum upp á að ég sé á lífi með því að fara á eitt allsherjar shooping spree. Flissaði á leiðinni heim að við værum víst týpískir kvenmenn þegar ég sá pokahrúguna í aftursætinu.
Það þarf varla að taka það fram að það voru keyptir skór.

Á föstudeginum blæðir mér enn og ég er bara að fá eitt stykki andskotans þvagfærasýkingu, ætlaði mér samt að reyna að drekka hana í burtu með nógu miklu af vatni og trönuberjasafa sem er ekki beint í uppáhaldi.
Ég sé að þetta er ekkert að ganga á sunnudeginum þannig að ég fer í sjálfsafgreiðslustöðina sem kallast læknavaktin og fæ þar sýklalyf.
Þau slá aðeins á, en ekki mikið, svo er ég alltaf að blekkja sjálfa mig að ég sé orðin betri, sting höfðinu í sandinn enda búin að fá ógeð af læknastéttinni.

Maður fær það bara í hausinn að stinga höfðinu í sandinn og ég er ekkert bara að tala um sand í augu og eyru og skítugt hár.

Á föstudaginn núna í síðustu viku hrundi ég svo niður í vinnunni, bara lyppaðist niður og gat mig hvergi hreyft í góðan tíma. Fæ verkjaköst þar sem nýrun spila aðalhlutverkið. Fékk þar með far á slysó í þessum fína sjúkrabíl. Ekki spyrja hvort að þeir hafi verið sætir sjúkraflutningsmennirnir, því ég hef ekki hugmynd um það.
Eyði svo sex tímum á bráðadeildinni með dyggum stuðningi frá Erlu. Er meira segja látin hafa vökva í æð. Ég vildi miklu fremur bara fá vatnsglas en Erla sagði að það væri ekki eins kúl og þetta.
Er svo send á kvennadeildina þar sem ég eyði tveimur tímum og hitti kvensjúkdómalækni númer fimm á einum og hálfum mánuði.

Geri aðrir betur.

Ef þetta læknar mig ekki af spéhræðslunni þá veit ég ekki hvað..!

Hvað haldið þið svo að ég hafi gert á sunnudaginn til að halda upp á að ég væri á lífi..? Jú auðvitað keypti ég mér skó! Eru þeir ekki flottir!!!

2006-03-03T17:32:00.000Z

hellú hellú...

Ósköp lítið að frétta af mér. En hef kannski meira að segja eftir helgina. Er að fara á alveg ekta sveitaball. Hef ekki "farið" á svoleiðis síðan ég var fimm ára og lúllaði bara í skottinu á trabantinum þegar það var kominn háttatími.

Ég er líka alveg ofboðslega rík af hori þannig að ef þið hafið áhuga endilega hafið samband, er alveg til í að láta slatta frá mér. Ég er meira að segja til í að borga með mér.
Þessu fylgir auðvitað nefrennsli sem svo þornar í nebbaling sem er vægast sagt óþægilegt þannig að ég stunda það ótæpilega að bora í nefið, vinnufélögum og lilla bró til mikils yndis.
Ég er alltaf á leiðinni í það að endurskoða þennan ósið minn en gleymi því svo jafnóðum.
Var samt ekkert sérstaklega ánægð með sjálfa mig þegar ég uppskar væna hlussu á rauðu ljósi um daginn og það var ekki nokkur einasta staður sem ég gat klínt henni í með góðri samvisku.
Jakk....

2006-02-23T10:46:00.000Z

6 dagar....

Já það eru sex dagar í öskudag.
Ég er því miður farin að kvíða fyrir þessum degi. Það er spurning hvort að ég geti farið á læknavaktina og heimtað róandi fyrir þennan dag. Efast samt stórlega að einhver læknir láti mig hafa eina "dísu" bara af því að ég þoli ekki Bjarnastaðabeljurnar.

Svo er spurning hvort að ég fari að spá í einhverju dressi.
Gamli dimmission búningurinn minn er týndur og tröllum gefin. Hann hefði líka ekki verið praktískur hérna út af örmunum á skrifborðstólnum. Var nefnilega strumpur og rassinn á búningnum var HUGE! Hann verður lengi í minnum hafður nýstúdentinn sem var afvelta út á túni og gat ekki komið sér á fætur út af búningnum.

En mín spá er sú að á öskudaginn eigi ég eftir að hitta milljón og tíu smápíkur í Silvíu Nóttar gervi. Ég er voða hrædd um að þegar dressið er komið á fari mannasiðir áðurnefndra smápíkna út í veður og vind.

2006-02-19T21:52:00.000Z

Eurovision

ooohhhhh Silvía snillingur..! Tókuð þið eftir því þegar hún þakkaði upphitunarhljómsveitunum fyrir sig? Snilld snilld snilld segi ég!

Eeeen hvað var málið með augabrýrnar á henni Regínu. Svartur dramatískur kjóll í þjóðbúningastíl og rosalegt hairdoo og svo rauðbleikar augabrúnir..!
Ef förðunardaman hefur tekið feil á varalitablýantinum í staðinn fyrir augabrúnablýantinn skaltu koma þér úr landi vinan. Svona er einfaldega ófyrirgefanlegt. Og ef þetta átti að vera svona... hvað í andskotanum var verið að spá..!

2006-02-14T21:19:00.000Z

Smæl.is

Ljótt að segja frá því en ég hef alveg bullandi fordóma gagnvart fólki sem labbar um með heimskulegt bros á vör að mér sýnist án nokkurar einustu ástæðu.
Ég held alltaf að viðkomandi sé annað hvort heimskur eða í sértrúarsöfnuði eða auðvitað í bæði.

Ég er búin að vera nefnilega í smá sjálfskoðun núna undanfarið og er að spá í staðalmyndum sem ég hef.... þannig að ef þið eruð að drattast í sunnudagsbíltúrnum á vinstri akreininni þá finnst mér þið að sjálfsögðu vera hinar verstu kellingar með ellibullunna og að bílprófið sé löngu fyrnt, en þó... það fyrnist ekki draslið sem þær draga upp úr sykurleðjumorgunkornskössum.

2006-01-23T14:13:00.000Z

Ikea.is

Ikea er uppáhaldsbúðin mín. Ég get eytt mörgum stundum þarna inni og ég tel það helgispjöll að nota styttri leiðarnar. Ikea bæklingurinn er mín uppáhalds lesning, ég hef eytt ófáum tímunum í það að spá og spökulera upp í sófa.
En af hverju er ég að deila því með ykkur að ég er Ikeafrík?
Jú það er nefnilega það að ég keypti mér náttborð í gær, mjög svo sætt, hvítt með skúffu efst og skáp niðri. Kemur í mjög svo handhægum flottum pakka þannig að lítið fór fyrir því í flutningnum.
Ég eyddi einum og hálfum fokkings klukkutíma í það að setja saman helvítis náttborðið. Einn og hálfur tími!!!!!
En þar sem það er guðlast að segja ljótt um Ikea þá ætla ég að skamma aðeins skólakerfið.
Megintilgangur skólakerfisins myndi ég segja er að koma ungum og óhörðnuðum einstaklingum út í lífið þokkalega sjálfbærum.
Í einhverjum af smíða áföngunum sem ég var látin taka var mér kennt á rennibekk. Aldrei hef ég nýtt mér þessa kunnáttu og hafði líka svosum takmarkaðann áhuga á því... hefði nú ekki verið nær að kenna manni að lesa út úr leiðbeiningum frá Ikea og fleiri aðila sem eru á þessum markaði.

Jú ég held það bara..! Snilldarhugmynd..!
Skyldufag í tíunda bekk á haustönn: hvernig á að setja saman ósamsett húsgögn.
Valfag í tíunda bekk á vorönn: Hvernig nota skal helstu verkfæri.

Fyrst að ég er nú byrjuð að ræða um þetta. Af hverju er ekki líka kennt hvernig eigi að redda svona helstu hlutum, eins og til dæmis: hvernig á að losa um stíflu í vaski, hvernig eigi að liðka til stífan krana á ofni, hvernig munda skal borvél og fleira og fleira...

Og ekkert kjaftæði að fá bara einhvern kall til að bjarga sér....
jú og þó... gæti brotið nögl sko....

2006-01-17T16:51:00.000Z

Sko til...
Bara kominn vetur á klakanum og hálft þjóðfélagið fer á hliðina..!
Það mætti halda að við værum í Ameríkunni, nokkur snjókorn og það tekur fjörtíu mín. að komast á milli bæjarfélaga. Þetta er engin hemja..!

Svo eiga þeir sem þora ekki öðru en að lúsast á gönguhraða um aðal umferðaræðar höfuðborgarinnar að hundskast til að taka strætóhelvíti..!
Og viljið þið drullast til að hætta að aka eins og þið séuð í sunnudagsbíltúrnum á vinstri akreininni..!
Takið þetta til ykkar sem eigið.
Fnæs...

2006-01-11T13:17:00.000Z

http://www.deiglan.com/askorun/

2006-01-02T15:04:00.000Z

jæja... hversdagsleikinn er kominn. Hefði þegið svona sirka tvo daga í viðbót, en ég hefði sagt það þótt að þetta hefðu verið stórubrandajól.

Jólin voru alveg sérdeilis ljúf og svo segir maður eins og litlu börnin..! ég fékk fullt fullt fullt af pökkum..!

Kíkti svo á ball með Góskinni minni. Fínt... en fannst ég vera orðin frekar í eldri kantinum... man eftir svo mörgum þarna sem gátu ekki snýtt sér hjálparlausir og tuggðu sand í sandkassanum fyrir ekki svo löngu síðan.
Var svo líka á hálfgerðum bömmer, braut nögl rétt áður en við fórum inn.
Hitti svo gamlar bekkjarsystur sem ég hafði ekki hitt í fleiri ár... hafði mest gaman af því samt þegar ég hafði sagt hvar ég ynni... þá góluðu þær upp eitthvað nafn sem ég var ekki alveg að tengja. Jú jú kappinn átti víst að vinna með mér. Ég vildi ekki kannast við það.. þá þrætti ein bara við mig... Vægir sá sem vitið hefur meira segir máltækið þannig að ég kom mér bara í burtu.

Var svo veðurteppt í einn dag fyrir vestan, sem mér þótti sko alls ekki leiðinlegt. Þannig að þegar heim var komið gekk ég frá öllu úr töskunni, í fyrra þá var gengið frá töskunni í febrúar. En ég þræti fyrir það ef einhver minnist á þennann slóðaskap við mig....
Fór svo í partý hérna upp í vinnu um kvöldið. Rosa flott sko... ljósasjó, Bubbi, veitingar, flóði allt í veigum og þjónar... Gat svo loksins spurt út í þennan sem "á" að vinna hérna. Húsvörðurinn er á svipuðum aldri og að vestan. Allaveganna þegar hann var búinn að hósta upp úr sér hálfu glasi af bjór gat hann útskýrt fyrir mér hver þetta væri.... hehehehehe... wannabe töffari með skipt í miðju og stall.

En æi greyið... af hverju að ljúga einhverju svona? Þetta er bara allt of lítið land.
Frekar myndi ég ljúga að ég væri t.d. öööö arkitekt eða.... ohhh... hef ekki ímyndunarafl í þetta. En þið fattið hvað ég á við.

2005-12-16T22:13:00.000Z

hrmfpff

Hitti eina í gær sem ég var að vinna með. Fékk auðvitað hinu sígildu spurningu...
Hvernig er þetta með þig Ragnheiður mín. Ertu ekki komin með kall? Þú ert nú svo sæt!
Djöfull þoli ég ekki þessa spurningu, svaraði henni með því að ég væri svo óógeðslega leiðinleg að það vildi mig ekki nokkur einasti maður.

Svei mér þá.... ætli það sé best fyrir stimpill á enninu á mér??? *hnuss*

En svo er ég alveg viss að þegar það er kominn karlmaður í spilið fái maður að heyra:
-Á ekki að fara að koma með krakka?
-Á ekki að fara að kaupa sér hús?
-Á ekki að fara að koma með annað barn?
-Á ekki að fara að gifta sig?

Mig vantar bara einhverja pottþétta setningu sem stoppar bara allt svona á nóinu. Nenni ekki endalaust að segja við fólk að ég sé bara leiðinleg..!

2005-12-16T14:19:00.000Z

*hnusss*

Sá líkbíl þrusa yfir á rauðu ljósi í dag.
Meina.... hvað í andskotanum var hann að flýta sér..!

2005-12-14T17:57:00.000Z

*hrollur*

oj... það var verið að koma með jólatréð hérna upp í vinnu og það er stútfullt af einhverjum helvítis pöddum!

*klórasérútumallt*

Mæti með flugnanetið og moskítóspreyið á morgun.

Jakk

2005-12-12T21:30:00.000Z

skoh..!

Hafið þið einhvern tímann fengið borgað fyrir að ljúga?
Það hef ég.

Skoh.... Þetta gerðist fyrir rúmum tveimur árum, ég sit inn í fundarherbergi að farast úr stressi og þamba kaffi eins og ég eigi lífið að leysa og er að telja í mig kjark í það að hringja í keppinautana úr gsm síma sölustjórans sem ég var nýbúin að stilla á leyninúmer.... en áður en ég vissi af var ég búin að búa til karakter sem hét Sigrún Eva og hann pabbi minn, hann átti skoh útgerð!
Málið var að fá upplýsingar sem eru ekki beint inn á heimasíðunum.
En allaveganna þá tuggði ég voða mikið tyggjó, sagði "skoh" og "skillurru" í öðru hverju orði og ef mér þótti eitthvað áhugavert eða æðislegt kom eitt "geeeveikt" á háa c'inu skoh, ef ég skildi ekki eitthvað þá kom "eh?"

Ég tók svona c.a. eitt símtal á dag... og þetta er það sem ég gat náð úr kollinum á mér og hinn mundi eftir, en ég er samt viss um að ég sé að blanda öllu saman, en whaddever skoh...
-hæ ég heiti Sigrún Eva.... áttu nokkuð svona stóran jeppa?
-ka kostar? ... nei áttu ekki einhvern dýrari? Pabbi minn er nebblilega ógisslega ríkur útgerðarmaður skoh!
-ka kostar sonna bíll í einkaleigu.... aha... ó... en ef pabbi myndi setja bílinn á útgerðina?
-ha! þjónustuskoðun? eh?
- dekk.... sko..... fylgja þau með... nú nú... bara fyrir mig geeeveikkkt!
-en hérna... hvað ef pabbi myndi keyra meira heldur en er í samningnum.. honum finnst svo gaman að keyra... ó!! kannski bara ekki neitt! ó en þú ógisslega dúlló!
-haaaaa! vil ég koma á deit???? (þarna meig sá sem ég er að vinna með næstum því á sig af hlátri)
-neeeee.... ég er sko á föstu... búin að vera í alveg þrjá mánuði! Má ég kannski fá númerið þitt... hringi kannski í þig í næstu viku.

Svona litið til baka er þetta eitt það skemmtilegasta sem ég hef gert í vinnunni, en pínu erfitt samt að hafa tvo út í horni emjandi, þeir höfðu sig þó út ef þeir gátu ekki hamið sig. Ótrúlegt samt alveg hreint hvað það er hægt að spila með fólk. Spurði þá hvort að þeir hefði gert eins í sömu aðstæðum og auðvitað harðneituðu þeir.... já já....

En svo er spurningin?
Hver kjaftaði í Skjá Einn um þetta og hvar eru höfundarlaunin mín. Silvía Nótt minn rass! Sigrún Eva Útgerðarmannsdóttir er miklu meira kúl!

2005-12-09T14:20:00.000Z

Ungfrú morgun-geðprúð.

Vitið þið bara hvað.... ég er búin að taka mig á með morgunfýluna. Ég er búin að taka að mér fannst ansi vel á sjálfri mér hvað þetta varðar... en í morgun hélt ég að nokkurra mánaða vinnu hjá sjálfri mér væri væri fyrir bí, eða að ég hefði bara verið að blekkja sjálfa mig. Sumsé þegar ég mæti í morgun, þá rífur einn úr versluninni í mig, hristir mig alla og gólar góðan daginn og rekur svo rembingsháværan koss eiginlega beint á eyrað á mér. Ég get ekki sagt að ég hafi verið kát með þetta. Ég var eiginlega bara mjög stutt frá því að lemja mannhelvítið.
Ég fer svo voða aum og ósátt við sjálfa mig inn á skrifstofu og rek raunir mínar. Voðalega varð ég fegin þegar ein sagði að hún hefði líkað urrað ef einhver hefði hrist hana fyrir fyrsta kaffibolla.

Annars er ég mjöööög svo fegin að það er að koma helgi. Er með hor, beinverki, höfuðverk, ljótan hósta, hálsbólgu og hæsi og sárvantar mömmu mína til að koma með heitt að drekka og setja eitthvað í vídeótækið.

2005-12-04T00:58:00.000Z

Blessuð sé minning drekatrésins.
Það er nú komið í trjáhimnaríki þar sem það fær alltaf að drekka á réttum tíma og moldin er svört af frjósemi, einnig eru engin gæludýr á sveimi sem naga blöð.

Kistulagningu er lokið, fór fram rétt áðann og hlaut drekatréð útför sína í fögrum rauðum, hvítum og grænum plastpoka.

Endanleg jarðarför fer fram þegar gámafélagið á næst för hér um.

Þeir sem vilja minnast drekatrésins eru beðnir um að senda eiganda bara súkkulaði. Staðgengils er ekki óskað í bráð.

2005-11-30T21:39:00.000Z

Hvernig viljið þið að klósettrúllan snúi?

Með blaðið/lausi endinn upp? eða að lausi endinn sé við vegginn?

Ég get allaveganna ekki lokið mínum málum fyrr en ég er búin að koma klósettrúllunni í rétt horf. Sumsé lausi endinn við vegginn.

Lenti svo í hörkurökræðum í dag í smók þegar ég spurði að þessu í dag. Þá er önnur þarna sem vill hafa lausa endann yfir rúllunni og getur því ekki klárað pappírsvinnuna fyrr en öll áhöld eru á sínum stað. Sumsé við erum að gera hvor aðra brjálaðar.

Spurði svo fleiri að þessu í dag og spruttu upp harðar umræður, það var enginn sem var alveg sama hvernig rúllan er. Það var að vísu ein sem sagði að það væri notendavænna að hafa lausa endann yfir rúllunni en annars voru rökin "af því bara" og "þetta á að vera svona".

Eeeen svo er klósetrúlluhaldarinn á vitlausum stað hérna í kastalanum en það er efni í aðrar umræður...

2005-11-29T22:09:00.000Z

Nóvember að ljúka.

Loksins er þessi mánuður að verða búinn. Ég þoli ekki nóvember, held svei mér þá að ég hafi ofnæmi fyrir þessum mánuði, ég fæ alltaf bólur, nenni ekki framúr á morgnana og því síður í rúmið á kvöldin. Veðrið yfirleitt ömurlegt og skítlegt að fara í svarta myrkri á morgnana í vinnuna og jafn miklu myrkri heim á kvöldin.

En að öðru... ég fór til spákonu í gær, þessar sömu og kom í vinnuna í gær og skildi mig og einn annann eftir með gæsahúð. Ég var mikið að spá hvort að hún tæki heim. Svo þurfti ég að hringja í hana rétt fyrir lokun hjá mér og þá sagði hún áður en ég gat komið út úr mér mínu erindi að hún tæki heim. Fór svo til hennar um kvöldið.
Hún veit svo sannarlega sínu viti þessi kona, það kom ýmislegt fram, allt hlutir sem hún hefði engann veginn getað vitað. Mæli svo sannannlega með henni þessarri.

Fékk svo launahækkun í gær. Þannig að kannski var þessi nóvember ekki svo slæmur eftir allt saman.

2005-11-28T17:08:00.000Z

Það kom kona hérna til mín upp í vinnu, stóð bara fyrir framan mig og brosti út að eyrum og bauð góðan daginn og bætti elskan mín við endann.
Ég verð að játa að þegar fólk stendur hérna fyrir framan mig þá verð ég vör um mig, venjulega vegna þess að þá er oftast nær gargað á mig.
En aftur að konunni. Hún spyr hvort að ég eigi kött. Ég svara neitandi en verður strax hugsað til kisunnar minnar sem dó fyrir tveimur árum og einni viku betur. Snælda sem er núna hjá m og p er orðin þeirra núna.
Hún segir við mig enn með brosið að ég eigi að eiga kött, og að það sé meira að segja köttur með mér núna og lýsir Köttdísi í smáatriðum.

Sölumaðurinn sem hún var hjá kemur svo seinna enn með kjálkann niður á hné og segir að hún hafi lýst ættingja hans fyrir honum nákvæmlega.

Ég var allaveganna með gæsahúð og kökk í hálsinum.

2005-11-21T17:22:00.000Z

Rockstar INXS

Hef aðeins kíkt á þessa þætti og finnst þeir æðislegar, en það er eitt sem fer alveg svaðalega í mig.
Það er smettið á Dave Navarro. Hann lítur út eins og gúmmídúkka með þetta andlit, eða úber útúr fótósjoppaður. Vægast sagt hrollvekjandi.

En að öðru.

Fór í barnaafmæli í gær til æskuvinkonu minnar. Ég var eiginlega eins og álfur út á hól í þessum félagsskap. Ég var nefnilega svo greinilega ekki í klíkunni, veit til dæmis ekki muninn á weleda bossakreminu og hinu sem ég lagði ekki á minnið hvað heitir. Eftir að ég var búin að fá í fjórða skiptið baunað á mig hversu hræðilegt það væri eiginlega að ég væri ekki búin að fjölga stofninum í þessu landi fékk ég nóg og sagði að mér fyndist alveg yndislegt að geta sofið út allar helgar eins lengi og ég vildi og ég gæti skroppið á kaffihús eða í bíó þegar mér dytti það í hug. Klykkti síðan út að ég þyrfti barasta ekkert að díla við kúkableyjur né að hafa valkvíða yfir einhverjum bossakremum. Mitt eina áhyggjuefni svona dagsdaglega væru hvaða sokkar stemmdu við dressið þá stundina og hvort að ég ætti að nenna að elda kvöldmat.
En svo til að friða þessar elskur sem urðu soldið móðgaðar í framan sagði ég þeim að ég hefði einu sinni passað einn ársgamlan lasinn og að taka tennur frá fimmtudegi og fram á aðfararnótt mánudags og ég skildi ekkert hvernig þær færu að þessu án þess að eiga valíum dunk í bónusstærð inn í baðskáp.

2005-11-15T22:15:00.000Z

Veldu einn fyrir.....

Ég þurfti að hringja í hið ógurlega fyrirtæki 365-ljósvakamiðla í dag. Ég held að ég muni þetta rétt, en geðheilsu minni var stefnt í voða í dag.

-Góðan dag. Þú ert kominn í samband við þrjúhundruðsextíuogfimm ljósvakamiðla. Veldu einn fyrir smáauglýsingar, tvo fyrir þjónustudeild, þrjá fy...
2
-Þú ert kominn í samband við þjónustudeild þrjúhundruðsextíuogfimm ljósvakamiðla. Ef dévaff hefur ekki borist til þín veldu einn, ef fréttablaðið hefur ekki borist til þín veldu tvo, ef þú vilt fá samband við þjónustuborð veldu þrjá.
3
-Þú ert kominn í samband við þjónustudeild þrjúhundruðsextíuogfimm ljósvakamiðla. Ef dévaff hefur ekki borist til þín veldu einn, ef fréttablaðið hefur ekki borist til þín veldur tvo, ef þú vilt fá samband við þjónustuborð veldu þrjá.
--ó... ýtti ég á vitlausan takka. 3
-Þú ert kominn í samband við þjónustudeild þrjúhundruðsextíuogfimm ljósvakamiðla. Ef dévaff..
--333
-Þú ert kominn í samband við þjónustudeild þrjúhundru...
--Djöfull! 33333333333333333333333333333333333
-Þú ert kominn í samband vi...

Þarna lagði ég á... róaði mig aðeins niður, fékk mér kakó og reyndi svo aftur.

-Þú ert kominn í samband við..
--3

-Þú ert kominn í samband við..
--3

-Þú ert kominn í samband við..
--3

-Þú ert kominn í samband við..
--3

GARG!

-Þú ert kominn í samband við..
--3 3 3 3 3 3 3 3 3

-Þú ert kominn í samband við..
--Andskotinn! 3

-Því miður hefur þú valið rangt. Ekki er hægt að velja aftur. du du du du du du....

En það er allaveganna einn ljós punktur í þessu dæmi. Ég var með símtól í hendinni sem ég gat þrusað niður á sinn stað, að vísu ekki með nógu fullnægjandi hljóði því að það eru ekki bjöllur inn í ip-símum. En miklu miklu betra heldur en að reyna skella á með þvi að ýta á takka. Fast.

2005-11-14T17:26:00.000Z

Ég boða koma mína á heimaslóðir þann 22. desember. Lending kl. 10:55
Óska eftir heimkeyrslu af vellinum með stoppi í Gamla Bakaríinu.

2005-11-09T23:11:00.000Z

úff...

Heimsástandið er farið að fara í taugarnar á mér.
Af hverju?
Júbb. Verð bara drulluþunglynd að hugsa of mikið um þetta.

Sko.... Óeirðir í París. Hrikalegt ástand sem er farið að dreifa sér meira um Evrópu. Ástandið þætti súrt í bíómynd með Jean Claude Van Damme sem hetju og risanum Dennis Rodman sem skúrki.
Halldór Ásgrímsson er forsætisráðherra yfir landinu. Hlýtur að vera kalt og einmannalegt djobb með aðeins um 8 prósent stuðning á bak við sig. En kannski selsskinnsskápan haldi hlýju á kalli... veit bara ekki.
George Bush er enn yfir sinni hjörð. Hjörð sem heldur að hún sé heimurin. Fer þess vegna í taugarnar á mér. Hjörð sem áttar sig ekki á því að bandaríski draumurinn er dáinn. Hann dó þegar bensínið kostaði meira á líterinn heldur en kók. Skál.
Ég er orðin yfir mig þreytt á umræðum sem tröllríða öllum matartímum og kaffitímum um helvítis fuglaflensuna. Það er komið nóg segi ég!

Greyið herra dauði. Hann sem einu sinni var ógnandi vera í svörtm skósíðum kufli og með ljá sem glampaði á, er búinn að breytast í vesælan skjálfandi kjúkling!
Púta púta púta pút!

2005-11-07T14:25:00.000Z

Hellú...

Long tæm nó blog. En svona er lífið. Nenni ekki neinu þegar það er orðið svona dimmt úti.

En ég sparkaði svo aldeilis í rasskatið á mér á laugardaginn, bíllinn skildi þrifinn og hananú..! Náði sjálfri mér loksins út um kvöldmatarleytið og tók stefnuna á Löður.
Það tókst nú ekki betur en svo að þegar kom að atriði númer tvö harna hjá þeim þá var stærðarinnar gat á helvítis slöngunni þannig að ég enda á tveim sekúndum öll út í sápu. Eftir mikið fát og fum og einn píkuskræk, þá fatta ég hvernig ég geti nokkurn veginn náð að skola tjöruhreinsinn af, held nefnilega að lakkið fari illa ef hann bíður of lengi. Fór svo bara af svæðinu með skottið á milli lappana með bílinn angandi af tjöruhreinsi og allann út í sápu. Fór þaðan á þvottastöðina hjá Esso, kann á hana.
En svo var ég ógeðslega fúl út í sjálfa mig, meina bara glataður aur að hafa farið þarna.... taldi svo í mig kjarki í morgun til að hringja og kvarta. Held að ég sé með kvörtunarfóbíu ofan á allt annað.
En jæja... þeir voru svona líka almennilegir, hringdi og sagði þeim farir mínar ekki sléttar... hefði farið til þeirra á laugardagskvöldið og það hefði ekki endað vel.
Það tísti í þeim ... spurðu hvort að þetta hefði verið um áttaleytið.
Fæ frítt að þrífa næst þegar ég kem þarna.

helvítis... þeir hafa ábyggilega kíkt á upptökurnar til að sjá hvort að einhver hafi vísvitandi skemmt slönguna... og skemmt sér þvílíkt yfir mér.

2005-10-25T16:21:00.000Z

Djísuss kræstur..!

Það kom hérna ein til mín upp í vinnu til að betla gosdrykk sem eru hérna í læstum skáp rétt hjá mér.
Ég veit ekki hvað ég á að halda....!
Aðfarirnar við þetta hjá henni voru sumsé ... sveifla hárinu, fletta vel frá brjóstaskorunni, blaka augnhárunum og þegar ég sagði henni að ég væri bara því miður ekki með lykilinn, en það væri kaffi og annað í boði. Heyrðu!!! hún bítur í puttann og hallar undir flatt og spyr hvort að ég sé viss!

Sko!

Maður notar svona klæki á þá sem eru með typpi og eldri en tólf ára. En ekki á einhvern sem er með stærri brjóst, flottari skoru, lengri augnhár og ljóst hár!

2005-10-23T21:52:00.000Z

Ég segi nei nei nei NEI NEI!
og hendi mér í gólfið í frekjukasti.

Ég bókaði jólasveininn (hann er perri) fyrir jólaballið fyrir tveimur vikum síðan. Það er mánuður síðan að jólahlaðborðið var pantað. Það er ekki hægt að anda inni í Rúmfó án þess að eiga það á hættu að fá jólaeitrun. Það er allt vaðandi í ó svo móðins jólaskrauti og ljótum jólapappír í Ikea og jólaölið og jólatréspiparkökurnar eru komnar í Bónus.
Ég segi nei!

Þetta blessaða drasl má koma þegar nóvember er hálfnaður.
Fólk sem er búið að föndra jólakortin má skjóta á færi.
Fólk sem er búið að versla jólagjafirnar... hver er aftur síminn á geðdeildinni?
Og hver í andskotanum vogar sér að versla piparkökur í Bónus á þessum árstíma.
Fnæs!

2005-10-17T16:48:00.000Z

Mér er illt í ....
rassinum..!

Af hverju gætu sumir spurt og hugsað eitthvað perró. En nei það er alls ekki neitt slíkt í gangi.

Ég fór í óvissuferð á laugardaginn með vinnunni. Hún var bara stuð frá upphafi til enda....
Byrjuðum á því að fara í ratleik í Öskuhlíðinni og var endað niður í Nauthólsvík þar sem við fengum far með björgunarsveitinn á spíttbát, þar sem ég fékk góðar gusur yfir mig. Stoppuðum í höfninni hjá þeim, þar sem farið var í enn fleiri þrautir, þar á meðal voru tveir úr hverju liði látnir synda boðsund í blautgöllum. Grilluðum þar líka... svo var farið með rútu í Laxnes þar sem farið var á hestbak og dansaður línudans. Hestaferðin tók 1 og hálfann tíma.... þ.a.l. er ég að drepast í rassinum.
Fórum svo í pottinn í Úthlíð og borðuðum kvöldverð á Hótel Geysi.

Held að það verði erfitt að toppa þessa ferð :):)

2005-10-14T22:28:00.000Z

Ég þurfti að fara í eina af nokkrum verslunum sem selja tuskur hér á höfuborgarsvæðinu til að kaupa regnslár. Ég nennti ekki að eyða einhverjum tíma þarna inni því að ég var nýbúin í vinnunni, svöng, pirruð og þurfti rosalega að pissa þannig að í fyrsta skipti á ævinni ákvað ég að tala við starfsmann, eða réttara sagt starfsmenn í mínu tilfelli. Greip þarna tvær rétt eftir að ég kem inn.... senan er einhvern vegin svona.

Aðalleikarar: Ragnheiður, þreytt og pirruð, stúlka í allt of þröngri blárri peysu, ljóshærð stúlka í blárri peysu.

Ragnheiður: hæhæ... góða kvöldið! Getið þið sagt mér hvar regnslárnar eru?
Ljóska: Já þær eru í húsgagnadeildinni.
R: ha! í húsgagnadeildinni!
Stúlka: neeeei... er það ekki eikkva sem mar fer í.
L: Ég ersko alveg pottþétt á því að þetta er í húsgagnadeildinni.
S: Æi, þúst sem mar er í á versló.
L: Verzló??? en ertu ekki í MK. Hvenær byrjaðir þú eiginlega í Verzló???? *hneyksl*
S: Ég er ekkert í Verzló. Ég er í MK.
L: Bíddu... .af hverju varstu þá eiginlega að segja það.
R: eeheeemmm... regnslár eru eitthvað sem maður klæðist.... svona eins og ponsjó.
L: sko.... þetta er í húsgagnadeildinni!
R: Sko... ég ætla að fara í þetta... ekki klæða stól!
Stúlka: öööö viltu bara ekki spyrja þær á þjónustuborðinu.

Svo héldu þær áfram að rífast....

Ég gat ekki annað en emjað af hlátri loksins þegar ég komst út með regnslárnar... og var nett sama þótt að einhver sæi mig og að ég væri alveg að míga á mig..!

2005-10-12T16:32:00.000Z

Það er komið nýtt heimasímanúmer í kastalanum.
Samansett af gamla heima og bíómyndanúmerunum.

Ég fór til tannsa í dag. Það þurfti ekki að gera neitt. Ekki neitt..!
Ég fer að vísu aftur til hans seinna til að láta laga framtönn sem brotnaði þegar ég var tólf ára og viðgerðin er farin að láta á sjá.
Magnað hvað það er alltaf hræðilegt hjá mér lífið þegar ég fer til tannsa. Heilsa oft upp á Gustafsberg og sef illa. En svo er þetta ekkert svo hræðilegt þegar þetta er búið, enda hitti ég á alveg sérdeilis ljúfann mann. Sem er ódýr í þokkabót..!

En ég er samt búin að ákveða að þegar ég verð rich bitch þá borga ég bara einhverjum spes til að fara til tannlæknis fyrir mig.

2005-10-10T13:27:00.000Z

Helst í fréttum er ...

*Ég brenndi mig á vísifingri í hádeginu og vorkenni mér alveg svaðalega..!
*Húsgagnabón er alger snilld.
*Ég mætti ekki með maskara í dag í vinnuna og var spurð hvort ég væri veik.
*Símakallinn er fluttur út.
* og þar með kisi. Sakna hans...
*það er músagildra undir skrifborðinu mínu. En engin mús samt...
*Ég þarf að pissa..
*Ætla að gera eitthvað í því....

2005-10-04T09:08:00.000Z

Blessuð...

Ég fór í keilu um daginn og náði þeim stórglæsilega árangri 160 stig í tveimur umferðum. - ha... 160 stig... gætu einhverjir þarna úti hnussað og fundist lítið til um... en þið harna sem finnst þetta barasta ekkert tilkomumikið verðið að átta ykkur á því að ég fékk 40 stig í fyrri umferð en 120! stig í seinni. En ég gat svo aaalls ekki hugsað mér að fá skammarverðlaunin. Hefði nú verið heldur betur asnalegt að veita sjálfum sér verðlaun..... huuu...
And the winner is..!!! ME! ME! ME! ME! ME!

Úr kastalanum er ýmislegt að frétta... m.a. að ég er búin að fá nýtt eldhúsborð og stóla sem sóma sér mun miklu betur en það gamla. Fékk bara nýtt eldhús.

Einkamál sumra hér innan veggja eru farin að líkjast einhverri unglingasápuóperu... eins og t.d. OC nema hvað það eru ekki allir filty rich, flott klæddir og þurfa aldrei að vaska upp.

Mér er að takast að drepa allar plöntur á heimilinum, þannig að ég hringdi í Góskina mína og sagði henni að drekatréið mitt væri orðið soldið slappt, og moldin á því væri enn rennandi blautt þrátt fyrir að það væru tvær vikur síðan að ég hefði gefið því og ég efaðist stórlega að sambýlismennirnir hefðu nokkurn tímann spáð í því að það þyrfti að gefa þessu græna dóterí eitthvað að drekka.
--Góskin byrjaði á því að spyrja hvort að ég drægi einhvern tímann frá glugganum þar sem plantan væri.
-Nei sagði ég... og hugsaði til hvers eiginlega... ég er aldrei heima á daginn... nenni því heldur ekki... svo til hvers eiginlega....
Ég heyrði hana ranghvolfa augunum þvert yfir landið og hrista hausinn yfir þessum vitleysingi sem væri meira að segja að takast að drepa drekatré.
--Sko! sagði Góskin mín. Veistu hvað ljóstillífun er? Já auðvitað veistu hvað ljóstillífun er. Blóm fá næringu með ljósi. Dragðu nú frá glugganum fyrir greyið plöntuna og komdu svo með hana í fóstur næst þegar þú kemur.
Ég lofaði bót og betrun... tók drekatréið og aloa vera plöntuna sem einnig má muna fífill sinn fegri inn í herbergið mitt og dró upp rimlagardínurnar.
Kaktusarnir mega alveg vera frammi enn. Þeir hanga bara uppi á gömlum vana.

En eitthvað fór þessi ljóstillífun illa í mig því að ég snaraðist fram úr rúminu um miðja nótt nokkrum dögum seinna.... dreg upp rimlagardínurnar því að ég var svo handviss að ég væri að deyja því mig vantaði alla ljóstillífun. Vaknaði svo klukkutíma síðar... og hristi hausinn yfir þessarri vitleysu í mér og dró aftur fyrir ... fæ nefnilega svo mikla ljóstillífun frá götuljósinu....

2005-09-27T16:53:00.000Z

Krapp og skítur..!

Nýtt símkerfi upp í vinnu og ég er að missa geðheilsuna..!

En má til að deila þessum samskiptum með ykkur.

Ein móðguð af því að hún hringdi beint inn í eina og fékk talhólf.
-Ég var að reyna að hringja í XXXXX og fékk bara talhólf! Er hún ekki við eða hvað? Eða er hún bara ekkert í vinnunni. Hvað á þetta að þýða eiginlega hjá ykkur.
-- XXXXXX er upptekin í augnablikinu og vill ekki láta trufla sig. Má bjóða þér að taka til hennar skilaboð?
-Segðu henni að hringja í .... var hreytt í mig.
Þarna rauk upp í mér púkinn og ég stóðst ekki mátið.
--Já ég skal lesa inn á talhólfið hennar um leið og ég legg á þig.

2005-09-26T15:25:00.000Z

Klukk..!

Jahá..! Hún Erla Margrét pólítíkus með meiru klukkaði mig.
Þannig að hér eru fimm gagnslausar upplýsingar um mig.

1. Litlu fingurnir á mér eru bognir.

2. Ég er morgunfúl.

3. Ég toga í eða bít í neðri vörina þegar ég er þungt hugsi.

4. Ég hef flutt fjórum sinnum um ævina. Tvisvar á sl. hálfu ári.

5. Ég á enga venjulega sokka. Bara skræpótta.

Hér með klukka ég hana Tótu..!

2005-09-18T20:08:00.000Z

Gulur bíll!!!!!

Við hljótum að hafa verið að drepast úr svefngalsa þegar við vorum á leiðinni heim frá Hellu eftir að hafa grillað ofaní 200 manns. Það var hlegið að öllu. Öllu! Svo þegar við vorum komin framhjá Hveragerði öskrar sá í miðjunni upp GULUR BÍLL!! og dúndrar í öxlina á bílstjóranum. Mér til mikillrar furðu blótaði hann bara og nuddaði auma blettinn en hefndi sín ekki neitt. Mjög svo furðó. Jæja.... kannski einhver einkabrandari þeirra á milli.... Þeir eru líka búnir að vinna saman í einhverja áratugi ábbyggilega... ætlaði bara að spyrja hvurn fjandann þetta þýddi seinna... svo í miðri frásögn hjá bílstjóranum gólar hann upp GULUR BÍLL!!!! og það er öxlin á mér sem fær að kenna á því. Ókei! Ég var búin að fatta djókið. Maður mátti sumsé hafa frípassa á barsmíðar þegar maður sá gulan bíl. Merkilegt hvað það var mikið af gulum bílum á Hellisheiðinni og á Sandskeiði.

Gaman að þessu ;)

2005-09-16T22:05:00.000Z

IQ test.

Fann þetta hjá henni Tótu, sem er núna að vinna í Afríku, og gerir allskonar flotta hluti í frítímanum... eins og að fara í teygjustökk... sá myndirnar og fékk í magann eingöngu við að skoða þær.

Skv. prófinu er ég Word Warrior, gef nú samt ekki mikið út á þetta blessaða próf... náði bara aldeilis góðu skori þrátt fyrir að enska sé ekki móðurmál mitt og ég er skítléleg í stærðfræði.

En endilega spreytið ykkur og endilega segið í kommentunum hvað þið fenguð.

http://web.tickle.com/tests/uiq/authorize/signin.jsp?url=/tests/uiq/index.jsp

2005-09-15T11:04:00.000Z

Horfði á Americas Next Top Model í gær...
Finnst alltaf svo gaman að "meikóver" þættinum. En hvað var málið með "the icy blond" Það var eins og greys stelpan hefði skutlað kollinum oní klórfötu og árangurinn voru hlandgular lufsur..! En kannski er þetta bara móðins í Ameríkunni...

2005-09-11T17:09:00.000Z

Svaðilfarir

Við fórum fimm á undan fólki í gær inn í Þórsmörk til að grilla. Græningjar, aular, með hor í nös, Við þurftum að hringja í einn til að vita hvernig ætti að setja í lága drifið á öðrum bílnum hvað þá annað. Já og kort í vasanum á einum til að vita hvert við ættum að fara.
Haldið þið að þetta hafi farið vel..? Ó nei...

Okkur tókst að grísa rétt yfir Lónið. En bíllinn sem ég var á hafði ekki farið í heimsókn til SS Gíslasonar þannig að vatnið náði vel upp á húdd. Ég hélt í alvuru að þetta væri það erfiðasta. Því ég hafði heyrt talað um Lónið. Svo komum við að kvikindi sem heitir Steinholtsá. Þar biðum við í hálftíma og spáðum og spökuleruðum hvernig við ættum að komast yfir.... þá kom svona vindbelgur, sem blés sig allann út og sögðum að við ættum að fara þarna og þarna og svona og svona... Hinn bíllinn sem hafði farið til SS Gíslasonar fór yfir fyrstur, rétt meikaði þetta, bögglaði jafnvægisstöng og fór þarna yfir á gírskaftinu... svei mér þá. Þannig að við ákváðum að fara aðeins neðar, þar sem okkur sýndist vera grynnra. Big fokking mistake.
Við sumsé runnum niður með straumnum smáspotta, festumst á einhverju og vorum svo stopp. Mér fannst alveg merkilegt hvað ég var róleg stopp út í á og byrjað að leka allstaðar inn. Mér tókst að opna hurðina með herkjum, og óð svo í land með vatnið upp að miðjum lærum með hafurtaskið okkar í fanginu... missti að vísu annann skóinn hjá bílstjóranum í ánna, en bjargaði honum fljótlega á land. Bílstjórinn þurfti að klifra út um rúðuna. Stóðum svo á bakkanum og horfðum á helvítis bílinn út í ánni. Þegar ég var byrjuð á rettu númer tvö, stekkur einn úr hinum bílnum af stað... veður út í bíl og inn ... svo tókst honum... á lyginni, heimskunni og adrenalíninu einvhern veginn í andskotanum að koma honum upp á bakkan. Þetta var eins og að horfa á torfæru... dekkinn upp í loft, fruss og rosa hávaði. Það var nú ekki minni hávaðinn í okkur hinum gólandi og gargandi á bakkanum. Úff.
Héldum svo áfram inn í Bása eftir að hafa látið mesta vatnið leka úr bílnum. Þar blasir við annar óskapnaður, Þar voru tvær rútur að snúa við, því að þeim fannst ekki þorandi að fara þar yfir. Biðum bara þar... þurrkuðum sokka og skóinn sem fór í ánna.. reyktum og boruðum í nefið meðan við biðum eftir einhverjum til að aðstoða okkur. Svo komu einvherjir þrír, einn sagði að þetta yrði fólksbílafært eftir klukkutíma, annar sagði að þetta væri bara geðveiki og það yrði allt ófært eftir þrjá tíma og hinn sagði að óbreyttir bílar kæmust alls ekki þarna yfir. Djöfull urðum við fegin. Snerum því við. Það átti svo einn að koma á móti okkur og hjálpa okkur yfir Steinholtsánna. Þegar við komum að henni þá sjáum við þrjá bíla fara yfir hana á allt allt öðrum stað og gekk bara vel hjá þeim þannig að við fórum bara yfir þar. Að vísu var vatnið farið að flæða yfir húddið hjá okkur á tímabili, en þetta hófst.

Brenndum svo á Hellu í orðins fyllstu hreinlega því að sá sem var að keyra var svo agalega reiður eftir þetta allt saman. Karlmenn! Að viðurkenna ekki að þeir hafi verið skíthræddir heldur gera eitthvað heimskulegt eins og t.d. að keyra á nítíu - hundrað eftir að við komum yfir lónið.

Ég viðurkenni fúslega að ég var mjög hrædd á tímabili. Meira að segja skíthrædd.
En magnað hvaða áhrif adrenalín hefur á mann. Mér varð ekkert kalt þegar ég fór út í ánna, fékk bara smá hroll eftir c.a. hálftíma. En mikið djöfull var gott að skipta um föt á Hellu því það tók þvi ekki í bílnum því að sætin voru blaut.

En ég væri alveg til í að fara aftur til Þórsmarkar, sá nefnilega ekki neitt í gær fyrir þoku og sudda. Eeeen þá fer ég í þyrlu og það má ekki vera búið að rigna í heilann mánuð..!

2005-09-07T15:18:00.000Z

Naunau..!
Dabbi kóngur hættur og orðinn seðlabankastjóri.

Held að ég eldi flott í kvöld og kíki á rauðvínsflöskuna sem ég fékk um daginn.

Skál..!

2005-09-06T12:56:00.000Z

Suuuð...

Muniði eftir atriðinu í Hellisbúanum þegar kallinn sagðist bara heyra svona suð þegar kellingin væri eitthvað að tjá sig.

Ég lenti í þessu í gær. Sem sagt að ég heyrði bara suð. Voða skrítið að vera á hinum endanum ...

Sumsé í gær greip ég húsvörðinn þegar hann gekk hér framhjá því að stólinn minn er eitthvað asnalegur. Eitthvað laust í honum... en já... hann liggur þarna flatur á gólfinu með skrúfjárn og potar eitthvað og svo heyrist -já það gæti verið að suuuuuuuð sé laust eða að suuuuð sé brotið eða að suðsuðsuuuuusuðsuð sé snúið.

Jahá..! Hann hefði alveg eins sagt að það vantaði spliff, donk og gengju í stólinn og ég hefði verið engu vísari.

2005-09-01T11:35:00.000Z

Það er kannski til athugunar fyrir þennann nýja afleggjara frá Símanum Já, að koma því inn í hausinn á landssmönnum að það kostar t.d. alveg jafn mikið fyrir mig að hringja úr heimasímanum/gemsanum mínum í næsta hús, næstu götu, næsta sveitarfélags, næsta landsfjórðungs, landsfjórðunginn við hliðina á honum eða þess vegna upp á hálendi. Ég er komin með grænar á þessum tilsvörum -"en ég er að hringja utan að landi". Ég þarf svona líka rosalega að bíta í tunguna á mér þegar ég heyri þetta. Og þetta eru ekki bara einhverjir gamlingjar sem vita ekki betur get ég sagt ykkur..!
Vitiði þið ekki harna volarar utan af landi að þið eruð svooo mikið að skemma fyrir öllum hinum utan af landi með kommentum á þessa leið... "ég á svo bágt af því að ég er utan af landi"... "ég þarf að borga svo mikið af því að ég er utan af landi"... "það vill enginn gera neitt fyrir mig af því að ég er utan af landi"...
mímmímímmímímmíí. vol, grenj og skælivæl sko..!

Já ætti nú að geta grafið upp auglýsingaherferðina sem fór í gang árið 1996 þegar símanúmerunum var breytt. Muniði ekki eftir henni... landsþekktir einstaklingar, handboltalandsliðið og fleiru sungu já já já jáháháháháhá ég er tilbúin, ég er líka tilbúin, ég er líka tilbúin, já halló, já halló ég er líka tilbúin og ég er líka tilbúin osfrv. osfrv.
Skelfing alveg hreint... held að meirihlutinn af þjóðinni hafi haft þetta límt á heilann á sér.

Önnur pæling með Já.

Ábyggilega voða gaman að svara í símann harna....
-Já góðan dag!
--Já! eritta Já?
-Já þetta er Já!
--já já var ég að hringja í Já...

2005-08-31T17:27:00.000Z

Hrollur hrollur hrollur..!

Haldiði að eitthvað karlkvikindi sé ekki með lagið úr sturtuatriðinu úr myndinni Psyco eftir hann Alfred Hitchcock sem hringingu í símanum sínum.

Var hann snöggur að svara?

Ónei..! hann leyfði okkur öllum að dást að þessarri súperp hringingu heil heil heillengi.

Ég held að það hafi allir skilning á því ef það verður skítafýla af liðinu hérna upp í vinnu á morgun. Það þorði einfaldlega enginn að fara í sturtu..!

2005-08-25T21:56:00.000Z

Skítaskítaskítahelvítisdagur.

Úff.... þeir gerast varla verri heldur en þessi í dag. Það var bara skotið að mér úr öllum áttum í dag og það var eins og himinn og jörð myndi farast ef þessu eða hinu yrði ekki sinnt á nóinu sko... og svo þegar ég svaraði einum kúnnanum með "nó shit" þá ákvað ég að það væri komin tími á tæm át og sígó. Þegar ég loksins gat drullast heim fékk ég annað skítastress því að ég mundi ekki fyrir mitt litla líf hvenær bensínljósið datt á og ég gat með engum mun sannfært sjálfan mig að það væri nú bara alls ekki fyrir hundrað kílómetrum síðan eins og hann á að komast á. Svo þegar bíllinn byrjaði að hiksta þegar ég var að bakka honum út þá fannst mér það vera út af því að hann væri bensínlaus en ekki bara stressið í mér þar sem ég hafði dælt of miklu bensíni inn á hann og stress vegna þess að ég hélt innilega að ég myndi bakka á bílinn fyrir aftan mig og strjúka alminnilega utan í þá sem var lagt við hliðina á mér.
Ekki batnaði það þegar ég fékk lögguna í rasskatið á mér um leið og ég kom á Vesturlandsveginn. hataðahataðahataðahataða.
Dagurinn var svo fullkomnaður þegar ég kom heim og það var ekkert til í ísskápnum.

Það kæmi mér svo svosum ekkert á óvart að þegar ég fer að sofa að þá hrynji rúmið, það flæðir upp úr salerninu og ég fái eina stóra og djúsí bólu á nefbroddinn.

Held ég fái mér einn öl áður en ég fer að sofa.

Góða nótt.

2005-08-23T17:14:00.000Z

isb.is

Mér finnst að þessir háu herrar hjá Íslandsbanka ættu nú að taka sig til og skjóta markaðsdeildina hjá sér á færi. Nýju auglýsingarnar frá þeim fyrir námsvildina eru frómt frá sagt ömurlegar.
Vilja þeir hjá Íslandsbanka virkilega auglýsa sig þannig að það séu bara frekjuhundar/tíkur viðskiptavinir hjá þeim. Góð ímynd það ... ha...!

Ég hugsa að ég gæti bara í fúlustu alvuru kokkað upp við eldhúsborðið mitt flottari markaðsherferð fyrir þá heldur en þetta helvíti.

Bið svo ekki mikið í laun. Bara svo sem eins og eitt prómill af nettó hagnaði síðasta árs eða svo.

En ef skáldagyðjan hittir ekki í mark þá mega þeir alveg láta mig hafa þetta eina prómill.
Ég myndi líka sætta mig við að auglýsingunum yrði sturtað ofan í salernið. En ekki segja þeim það fyrr en ég er búinn að fá aurana. ;)

2005-08-22T17:21:00.000Z

Blátt.is

Ég keypti mér þessar líka rosalegu fínu gallabuxur um daginn. Dökkbláar og mjög svo smart.
Gleði mín og spenna yfir nýju buxunum var svo mikil að ég dreif mig í þær án þess að skutla þeim í vélina... ó mæ ó mæ..! big mistake..!

Það var sumsé hellirigning úti á buxnavígsludagin og pæju pumaskórnir mínir eru ekki lengur fallega rauðir. Það er búið að bætast við blátt sums staðar. Gæti grenjað af gremju.
Ekki tók betra við... fór á salernið ooooog... setan varð blá.
Það er mjög svo lekkert að vera með bláan botn..!

Annars er það í fréttum að ég bý í Ópavogi núna.
Veit ekki alveg hvernig ég á að taka þessum málum.

2005-08-16T17:17:00.000Z

Einhvern tímann fyrir alls ekki svo löngu síðan var ég eitthvað að dæsa yfir því að allar snyrtivörurnar mínar hefðu sagt bless á sama tíma.
Þá dæsti önnur og sagði -bíddu eftir að heimilistækin þín fara að láta svona-

Það er komið skrítið hljóð í þvottavélina mína.

Eigið þið valíum ?

2005-08-13T20:57:00.000Z

Sýning upp í vinnu í dag og ég stóð mína venjulegu vakt.
Var samt ekki með mitt vanalega útlit því að ég fékk andslitsmálun hjá trúboðunum sem mála börnin og búa til blöðrudýr. Var mega pæja með blá lítil blóm og tilheyrandi sem byrjuðu fyrir ofan augabrúnina og lá svo niður á miðja kinn.
Allavegana... þetta vakti mikla lukku hjá hinu kyninu til að kommenta á. Má til að segja ykkur sögu af einum. Hann kemur að barnum og byrjar
-Hey! Eritta tattú
-- Nei, þetta er nú bara málað á mig. Viltu bara ekki fá þér svona líka og bendi á staðinn þar sem málarnir eru.
-Nei ég er sko með alvuru. Viltu sjá?
Rífur minn ekki niður bolinn og skyrtunna þannig að á fölri innfallinni bringunni með fáeinum stráum á blasti við elligrænt kínverskt tákn á stærð við lófann á mér ..!
-- öööö ahhhh... hey... eeehh... kúl (næ ég að kreista út úr mér) Sný mér við til að ná í gos. Sný mér við og þá er hann eitthvað að hamast við fingurna á sér undir barborðinu og nb. það er úr gleri. Svo skellur það á mér að hann er að taka af sér giftingarhringinn! Og það er voða vesen hjá honum að troða honum í buxnavasann. ha ha ha þvílíkur grínisti.
Hann hallar sér svo fram á borðið, setur upp töffarasvipinn og setur annað augað í pung, eða það sýndist mér á bak þið skítugu gleraugun sem hann er með.
-Hva segirru sæta! Hva á a'gera í kvöld?
Ég glotti bara einu skítaglotti, skellti í góm og sagði að ég hefði séð þetta og benti á vinstri hendina á honum, hélt að maðurinn væri að reyna vera fyndinn. En NEI. Minn varð bara fúll og strunsaði í burt.

Þú harna eiginkona nankinstískuslyssins!!! Veist ÞÚ hvar eiginmaður þinn er?

2005-08-05T12:55:00.000Z

Þú þarna á gráu hondunni sem varst að fara Hellisheiðina í gær eftir klukkan eitt um nóttina. Hvað ert þú eiginlega að gera á bíl? Ertu búinn að gleyma öllu sem þér var kennt í ökunáminu helvítið þitt?!! Maður lækkar háu ljósin þegar maður lendir yfir aftan einhvern!!! Heldurðu að ég hafi verið eitthvað að djóka þegar ég setti þokuljósið á og byrjaði að blikka þig með bremsunum?!?!?!? En hvað með þegar ég setti stefnuljósið á og fór út í kant. Gjörsamlega blind þó ég væri búin að henda öllum speglum tvist og bast..! Þegar bíllinn fyrir framan þig er á tuttugu og með stefnuljósið til hægri þá er það góð ástæða til að taka framúr. Dóni! Af hverju gastu ekki drullast fram ú þannig að ég gæti látið þig finna aðeins fyrir háu ljósunum..!

Ég var svo hrædd á tímabili að mér varð óglatt. Og áður en ég vissi af var ég farin að tauta # fokk fokk fokk ég verð númer fimmtán fokk fokk fokk?

En ég er greinilega á lífi og varð ekki dauðsfall í umferðinni númer fimmtán.

Það á að skjóta svona lið á færi...!

2005-08-02T21:52:00.000Z

Versló.is

Góskin gerðist stórtæk og leigði bústað undir okkur skvísurnar um helgina... enda á þessi elska ammæli í dag og er búin að plana þetta í heil fjögur ár. Hún er búin að vera mjög ströng með það að ólétta og barn á brjósti sé bannað á þessum tímapunkti. Svei mér þá... ef hægt hefði verið... þá hefði hún séð sjálf um getnaðarvarnirnar hjá okkur síðustu tvö árin eða svo..!

Nei nei barasta djókur..!

Helgin var allavegana rosalega flott.
-Útreiðartúr, því eins og Góskin sagði, þá voru typpi bönnuð, en ekki ríðingar.
- Keypti mér bleikar gúmmítúttur. Með blómamynstri... geeeeeððssssveiiiikar!
-Heitur pottur
- Bubbly (freyðivín
-Singstar (og míns fékk barasta yfir áttaþúsund stigin) Þessi sem átti að halda kjafti í skólakórnum og hreyfa varirnar.... vhúúúúhúúúú
-Heitur pottur
-Roosalegur matur
-hmmm.... var ég búin að segja heitur pottur?

Kannski að ég segi aðeins betur frá útreiðartúrnum...
Góskin sumsé pantaði undir okkur allar hesta frá Eldhestum. Eeen hestar sama sem kúkur og vond lykt, þess vegna bleiku gúmmítútturnar. Eeen svo brúkuðust þær bara inn í hesthús.
Þar smelltum við okkur í skærappelsínugula stakka og buxur og stígvél. Rosa sexxý..!
Svo voru valdir klárar undir okkur. Ég fékk rauðhærða hávasna letibykkju með ekkert þefskyn. og já... hann var sísvangur. Góskin fékk stæðilegan fola sem heitir Tyson. tjaahhh.... ég hefði ekki lagt í Tyson sko.... Gnesan fékk nú bara þrusuhest og Eyrún þessi elska fékk Gamla Blesa.
Bensíngjöfin á Gamla Blesa fannst ekki.... sama hversu mikið var reynt.
Minn hestur var svo sannkallaður rassamaður.... barasta með nasirnar í taglinu á hrossinu fyrir framan. Ég reyndi nú eitthvað að ræða við hann um að þetta gæti nú varla verið kursteis hegðun að vera svona með nefið bókstaflega upp í gumpinum á þeim næsta fyrir framan. Hann var nú bara samt ekkert á því að taka þetta til greina. Einnig verð ég að stinga því að að hesturinn sem var mestan part fyrir framan mig var með prumpuveikina.
En það voru ekki bara við vinkonurnar í útreiðartúrnum. Það voru þarna líka einn helgarpabbi með stelpurnar sínar og gimp frá Þýskalandi.
Þýska gimpið var nú baaara aðalspaug ferðarinnar. Greyið, hann heldur ábyggilega að hann sé hipp og kúl þegar hann ýtir sér uuuup og niður uuuuup og niður á baki. Alveg sérdeilis ýktar hreyfingar hjá manninum. Þegar ég rak augun í þetta fyrst, hélt ég að mér hefði bara missýnst, þannig að ég gáði aftur.. og varð bara orðlaus.... eða nei.... gat plokkað "kræst" út úr kollinum á mér. Á nú venjulega flottari lýsingarorð heldur en það. Svo þegar reiðin var búin og við komin af baki spyr einhver af okkur þýska gimpið hvort að hann sé vanur hestamaður. Þýska gimpið stækkaði um heila töttögöogfemm sentimetra... reigði sig allur og tilkynnti með stolti að hann færi á hestbak einu sinni á ári. Ég er að vona að hann hafi tekið hláturgeiflurnar frá mér og búkhljóð sem vott um algera aðdáun..!

2005-07-27T15:58:00.000Z

hæbb..!

Er fyrir löngu löngu síðan komin úr fríi. Bara brjálað að gera og þar sem mbl.is kemst varla inn í dagskránna hef ég ekki haft samvisku í það að gera eitthvað hér.
Tölvan heima er líka uppbókað. Alltaf. Sumir... nefni enginn nöfn *hóstlillibróhóst* var að fatta vefsíðu á netinu og hann á bara heima þar.
Hef ekki einu sinni komist í það að laga kommentakerfið hjá mér. Þannig að ... ef einhver tölvuvitur veit hvernig á að fixa þá bara að hafa samband.

ps. brauðristin mín er með svona litlum hólfum. s.s ekki breið. Er samt bara agalega ánægð með að hafa getað troðið samloku þarna ofaní.

2005-06-19T20:38:00.000Z

Ég er farin í sumarfrí.

Getið skemmt ykkur við þennann á meðan ;)
Bubbles

2005-06-14T20:17:00.000Z

pirr og brunafýla...

Ég fjárfesti mér núna um helgina í ristapokanum frá Myllunni. Ég hélt svo innilega að ristuð samloka með osti og pepperóní væri alveg málið í þynnkunni.

Leiðbeiningarnar segja meðal annars... (ég las þær sko) Samlokan er útbúin með áleggi og sósum eins og hver vill. Auðveldara er að setja samlokuna í pokann með rúnnaða endann fyrst.
-Rúnnaði endi hvað..! Heimilisbrauðið frá Myllunni er nú oftast nær óeðlilega hornrétt..!
Lesist sem ég ætlaði aldrei að koma helvítinu í pokann.
Ristapokinn er síðann settur í brauðristina og samlokan hituð í tvær til þrjár mínútur.
Ég veit ekki hverskonar brauðristir þetta eru í sjónvarpsauglýsingunni. Allaveganna ekki eins og mín. (Samt á ég nú alveg flotta. Krómað glæsitæki frá Philipps sem heitir svo meira að segja Toastissimo..!) Ég ætlaði aldrei að koma kvikindinu ofaní og það var ekki eins og ég hefði verið að hlaða eitthvað inn í grey samlokuna. Tvær ostneiðar og fjögur pepperóní..! Jæja...allaveganna eftir tilraun númer fimm til að kremja hana alminnilega til tek ég það til ráðs að skella bara stóra eldfasta fatinu mínu yfir samlokuna og geng frá á meðan þetta sígur niður í viðráðanlega þykkt.
Júbbb.... hún komst ofaní. Ég ætlaði samt aldrei að ná þessu upp aftur. Fór eitthvað horn á pokanum í eitthvað. Næ svo pokanum upp með smá handlagni og viti menn..!
Ristapokann má nota aftur og aftur eða fyrir 50 heitar samlokur. Ristapokann má jafnvel nota fyrir 100 heitar samlokur ef vel og rétt er farið með pokann en passa þarf að hann t.d. rifni ekki.
Það eru göt á helvítis pokanum eftir hitaelementin.
Samlokan var samt étin.

En hvað gerir maður samt ekki þegar maður er þunnur....

2005-06-10T15:26:00.000Z

Helvítistryggingaandskotansfélag.

Gott fólk...! Passið ykkur á þessum andskotum.

Ég sumsé hringdi í dag í tryggingarfélagið til að tékka hvort að þau væru ekki búin að fella niður tryggingarnar af bílnum sem tjónaðist um daginn. Af því að þeir eru búnir að kaupa hann.
-Nei... kom svo svarið. Ertu viss spurði hún svo.
--Jáhá... auðvitað er ég viss..! (kommon!)
Svo heyrðist sko í henni kvensu hjá tryggingunum... Umferðarstofa er stundum svo lengi að uppfæra hjá sér Ekjuna sem er svona forrit sem ég sé hver er eigandi og svona að bílum.
--Nújá! Ég veit ekki betur en að við höfum aðgang að því sama. Viltu að ég sendi þér skjámynd? Þar geturðu séð að þið keyptuð bílinn af mér þann 20. maí? (ógeðslega þurr á manninn)
- uuuuu.... ég er búin að fella þetta niður núna.

pirrr....

2005-06-09T23:27:00.000Z

Regnhlífin virkaði..!

Ef einhver fattar ekki hvað ég á við... sjá færslu fyrir neðan.

Ég sumsé fór í brúðkaup síðustu helgi. Leit ekki vel út með veður... mætir mín ekki á svæðið og hristir regnhlífina, sem keypt var spes fyrir þetta tækifæri, eins og sjaman töframaður og ló and behóld..! það hætti að rigna.
Ég býst auðvitað að nýbökuðu brúðhjónin standi mér í ævarandi þakkarskuld og gott ef ég heimta ekki að frumburðurinn verði skýrður eftir mér.
Auðvitað..!

En já... að sjálfsögðu tókst mér að villast. Einmitt. Dæmigert ha..!

Ég er að spá ef ég fer til sálfræðings og skýri fyrir honum þessa annmarka mína... hvort að ég geti ekki fengið vottorð upp á það að ég megi keyra á móti umferð. Ég sé með frípassa á allar einstefnugötur og að sjálfsögðu megi ég leggja upp á umferðareyjum.
Meina... þetta er jú sannanlega fötlun.!
Bjáninn ég að nýta mér það ekki.

2005-06-02T20:57:00.000Z

Blessuð...

Ungfrú prófessor skrifar...

Í morgun fannst mér mjög svo sniðugt að þrífa baðinnréttinguna með blautklútunum mínum. Þessum sem ég nota á andlitið sko... ekki blautþurrkunum sem voru bara rétt hjá og eru sérstaklega ætlaðar til þessarra arna. Eftir þrifin arka ég í áttina að ísskápnum til að ná í jógúrt til að taka með í vinnuna.
Þess má geta að ég fór jógúrtlaus í vinnuna, en blautklútarnir mínir eru kaldir og ferskir eftir um það bil tíu klukkustunda veru í ísskápnum. Og já... ég mætti of seint í vinnuna... en innréttingin á baðinu er þó hrein.
Vikan er búin að vera öll á þessum nótum.... alveg ótrúlega viðutan eitthvað.
Ástæðan gæti verið drunkerí sem ég fór á föstudaginn í síðustu viku. Vil samt ekki trúa því að ég sé orðin það gömul að ég sé enn þunn eftir rúma viku. Ó nei!

Aðalfundur staffafélagsins var sumsé haldinn í síðustu viku og var núverandi stjórn kosin aftur. Skil ekkert í þessu... gerðum varla neitt á síðasta ári. En jæja... þangað sækir klárinn þar sem hann er kvaldastur eða eitthvað í þá áttina.
Allavegana ég drakk ótæpilega... hellti niður rauðvíni á drifhvítan dúk og skammaðist mín rosalega. Ég vann þann leiðinlega titil að vera mest vinsæl til að lenda á trúnó með. Kannski þess vegna hin mikla drykkja. úff... heyrði þarna ýmislegt sem ég vildi barasta ekkert hafa heyrt.
Mig rámar líka eitthvað í það að ég hafi verið að rífa kjaft á leiðinni niður í bæ... en ég hef ekki þorað að fara til meðreiðarsveinanna og spyrja hvurn fjandinn ég hafi verið að segja. Kannske tími fyrir það á næsta fyllerí.

Ég er samt að reyna að stramma mig af fyrir laugardaginn og vera húsum hæf því að hún Erla er að fara að gifta sig þá. Þá er nú barasta eins gott og láta ekki eins og einhver prófessor..!
Og þar sem athöfnin fer fram utandyra er ég búin að banna sjálfri mér að hugsa til sólgleraugnanna minna og ég hef ei farið út sokkalaus síðan á þriðjudaginn þannig að hann hangi þurr... samt til að vera alveg örugg, fer ég á morgun og fjárfesti í regnhlíf í stíl við dressið og verð samviskusamlega í lokuðum skóm og í sokkunum.
En ef það rignir á laugardaginn, verður það mér að kenna. Hef þá nefnilega ekki keypt nógu flotta regnhlíf.

ps. óska eftir að helvítis kommentakerfið fari að láta sjá sig...

2005-05-27T18:01:00.000Z

Helvítis kommentakerfi...

Skil ekki í þessu veseni... hverfur bara og ekkert í template'inu sem skýrir þetta. Kerfin fín allstaðar annars staðar.

Þetta er sumsé test til að sjá hvort að það drullist inn þegar ég er búin að bölva því.

2005-05-20T17:37:00.000Z

Af hverju er svona skrambi gaman að sprengja svona kúluplast..?

Ég sat ábyggilega í tvær mínútur í dag og skemmti mér við þetta með þetta rosalega sólheimaglott.
Ég held að ég sé að fara yfir um af stressi yfir of miklu að gera.
Heimta feitt fyllerí af fyrirtækinu þegar þessi törn er búin. Eða vist á heilsuhæli. Þar sem ljóshært vöðvatröll hefur þann eina starfa að nudda á mér tærnar.
Ein hérna sagði að hún væri með brilliant viðskiptahugmynd. Hún ætlar sumsé að kaupa Klepp og selja inn á hann eftir alla þessa peningageðveikisþenslu sem er í gangi þessa mánuðina.

Heyrði meira að segja á skotspónum að þeir á Hrauninu væru að drukkna í of mikið að gera. Bara yfirvinna í gangi sko... og væri bara spurning um að kalla inn einhverja af skilorði.
En þetta er nú bara kjaftasaga.
Sel þetta ekki dýrara en ég stal því..!
__________

Skítt að Selma komst ekki áfram í Eurovision í gær. Mér fannst hún persónulega miklu meira kúl heldur en þessir tveir á gítar með væl. Spurning hvort að Jónsi hefði meikað þetta í ár.
Fyrirhugað partý hefur þó ekki verið blásið af. Það verður sumsé drukkið þegar einhver er með ljótt hairdoo, sítt að aftan, með glimmer í brjóstaskorunni eða tekur þjóðdansastæl á þetta. Líka þegar Gísli kemur með skítleg komment um þjóð sem sigraði í undankeppninni.
Held að ég komi við í apóteki og kaupi treo.

Bara svo að það komi fram þá mun ég halda með Norðmönnum..!

2005-05-19T16:18:00.000Z

Dramadrottningin skrifar.

Sko....

Fórum vestur systkinin og kisan á fimmtudeginum í síðustu viku. Keyrðum útaf rétt við Arnarneshamarinn og burri var ekki fallegur. En við á lífi og enginn meiddur og það er það sem skiptir máli. Jú... greys kisa fékk náttla vægt taugaáfall.
Mér mislíkaði einnig herfilega við tryggingarfélagið sem ég er hjá. Þeir komu ekki almennilega fram við mig helvítin af þeim fyrr en einn vinnufélaginn minn tók í þá. Verið ljúfir sem lömb síðan. Bíllinn var svo dæmdur ónýtur í dag, fæ nýjan eftir viku. Ekki samt eins flottan á litinn. En maður getur víst ekki fengið allt sem maður vill.

Fluttum svo út í gær í kastalann. Svaf þar í nótt og grjótsofnaði út frá gardínuhugsunum.
Er búin að fá veðbjeð á kössum og dagblöðum.
En það þarf alltaf að vera eitthvað drama í gangi... einhver hefur hent öllum matnum óvart, eftir að hafa leitað allstaðar tvisvar í gær nennti ég þessu ekki lengur og ákvað að hugsa um gardínur í staðin. Svo í morgun sé ég að það er enginn sturtuhaus í sturtunni... þannig að ég er með táfýlu dauðans núna. Allt hitt er í orden... bara ekki fara úr skónum sko...
Svo fann ég ekki bíllkvikindið í þessu völundarhúsi harna í kjallaranum.
Lúxus maður..! Þarf aldrei að moka snjó af burrus og ef ég er heppin, aldrei að skafa.

Að lokum vil ég segja að svona slys eins og þetta í síðustu viku breytir aðeins sýn manns á lífið.
Ég er hætt að djöflast í einhverjum smáatriðum, en spurning um hvað það endist lengi.

2005-05-12T17:53:00.000Z

Kræst..!

helvítis..! aldrei hef ég lent í því að blóta mínu eigin nafni.

Ég er farin að reyta hár mitt af pirringi af því að reyna að útskýra fyrir helvítis skíta útlendingum djöfulsins e-mail addressuna mína.

Sparka í einhvern á eftir..!

2005-05-12T14:51:00.000Z

Iss...

ég vissi að það væri ekki hægt að vera heppin lengi.

Vann ekki í víkingalottóinu sko

2005-05-09T21:51:00.000Z

vúhú..!

Það er bara allt að ske sko..!
Veit bara varla hvar ég á að byrja..!
Eins og kannski dyggir lesendur mínir hafa lesið hér, tók ég dramakast um daginn af því að mér fannst ég barasta vera á götunni. En það er allt komið í góðan farveg. Kem seinna að því.

Fór á miðvikudaginn á tjútt hjá einu fjármögnunarfyrirtækjunum... veita alveg helvíti vel. Góð þynnka daginn eftir.... okkur var svo boðið á Nasa til að halda áfram að tjútta. Þar var ég króuð af að tveimur köllum með bílasölu hér í bæ. Þeir buðu mér vinnu... hló bara... veit að þetta eru krimmar.... en gott fyrir egóið.

Egóið var samt ekki upp á sitt feitasta á föstudaginn... þá hringir í mig kallinn sem ég leigði höllina af, ég hafði nebblega hringt í hann vikunni áður til að fá meðmæli ef á þyrfti að halda, og spyr hvernig gengi hjá okkur að leita að íbúð. "Skítt" sagði ég. Þá sagði hann eitthvað á þá leið að þá myndi hann bara kaupa íbúð fyrir okkur og leiga okkur svo... ég hélt að hann væri að djóka.
En nei... svo hringir hann í dag og býður okkur að koma og skoða íbúð með sér... hann ætlar nefnilega ekki að kaupa nema okkur lítist vel á hana.
Íbúðin er barasta rosalega fín. Öll nýuppgerð og með útsýni yfir sjóinn. Já og hann bauð mér vinnu hjá sér ef ég vildi koma í ríkisstofnunina sem hann er forstjóri hjá.
Ríkisstofnanir borga ekki vel.

Í dag fleygði svo yfirmannsfíflið í mig listaverkabókum sem hann var búin að merkja við myndir sem hann ætlar að láta mála fyrir sig. Ég þorði að spyrja hvað svona kostaði... því að það er ein mynd þarna sem mig langar rosalega mikið í. Hann frussar á móti að vera ekki með neina vitleysu. Hann lætur bara mála þessa mynd fyrir mig!

Þannig á innan við viku er ég búin að fá tvenn atvinnutilboð, málverk og það er búið að kaupa íbúð undir rassgatið á mér.
Geri aðrir betur.

Svei mér þá... ef þetta er ekki tíminn til að kaupa víkingalottó. Þá veit ég ekki hvað..!

2005-05-08T15:46:00.000Z

hmmmm....

2005-05-03T16:59:00.000Z

Mig langar á eftirlaun núna..!

En ég hugga mig við það að það eru tveir aukafrídagar í mánuðinum.

En greys Frakkarnir. Búnir að missa einn frídag. Alger hneysa finnst mér.

En talandi um frídaga. Það var heilmikil umræða um daginn um hvort að það ætti ekki að færa 1. maí yfir á fyrsta mánudag í maí.
Nei segi ég!
Og hvað yrði þá næst? Jóladagur næstsíðasti föstudagurinn í desember.